Noregs forskingsråd
| Norges forskningsråd | |
| Type | Forvaltingsorgan |
|---|---|
| Org.nummer | 970141669 |
| Skipa | 1993[1] |
| Hovudkontor | Drammensvn. 288 |
| Adm.dir. | John-Arne Røttingen |
| Verkeområde | Noreg |
| Fokus | Forsking |
| Eigarskap | Kunnskapsdepartementet |
Noregs forskingsråd eller Norges forskningsråd er eit norsk statleg forvaltingsorgan oppretta av regjeringa. Det har ansvar for å finansiera, fremja og marknadsføra norsk forsking. Rådet forvaltar forskningsmiddel og gjev råd til styresmaktene innan forskingspolitikk, mellom anna gjennom forslag til forskingsbudsjett[2] i statsbudsjettet. Andre oppgåver er å fungera som møteplass mellom forskarar, næringsliv, dei som bruker og dei som finansierer forsking. Forskingsrådet bidreg også til å gjera norsk forsking meir internasjonalt orientert, gjennom forskingssamarbeid og gjennom deltaking i EU sine forskingsprogram.[3]
Innhaldsliste
Organisasjon[endre | endre wikiteksten]
Forskningsrådet er underlagt Kunnskapsdepartementet. Saman med Nærings- og handelsdepartementet står dei to departementa bak halvparten av midla til rådet. Totalt forvaltar Noregs forskingsråd eit budsjett på 8483 millionar kroner (i 2015).[4]
Forskningsrådet er delt inn i fire fagdivisjonar og ein administrasjonsdivisjon.
- Divisjon for Vitskap: Har ansvar for grunnforsking og tverrfagleg forskning. Han er delt inn i fem avdelingar: Avdeling for instituttpolitikk; strategi og analyse; medisin, naturvitskap og teknologi; humaniora og samfunnsvitskap, og forskingsinfrastruktur.
- Divisjon for Energi, ressursar og miljø skal stimulera og gje retning til forskning, utvikling og innovasjon innanfor temaa miljø, marine ressursar, klima- og polarforsking, petroleum og energi.
- Divisjon for Samfunn og helse. Forvaltar ein stor del av finansieringa til anvendt samfunnsforsking, innan forskingsfelt som helse, arbeidsliv, velferd, utdanning, migrasjon og utviklingssamarbeid. Har også ansvar for Forskingsrådet sitt arbeid for innovasjon i offentleg sektor. Divisjonen koordinerer bilateralt forskingssamarbeid med enkeltland.
- Divisjon for Innovasjon skal vera pådrivar for innovasjon og verdiskaping i næringsliv og samfunn. Divisjonen har sju avdelingar med ansvar for utvikling av innovativt næringsliv, regional innovasjon og FoU, bionæringar, teknologinæringar, analyse og utvikling, SkatteFUNN og Forskingsrådet sine regionale representantar.
- Divisjon for administrasjon: Har mellom anna ansvar for økonomi, IT, HR, kommunikasjon og informasjon.
Forskingsrådet har rundt 480 tilsette. Administrerende direktør sidan 1. mars 2017 er John-Arne Røttingen. Hovedstyret, som blir oppnemnd av regjeringa med verkeperiode på fire år, leiar Forskingsrådet.
- Hovudstyret 1. januar 2015 til 31. desember 2018[5]
- Henrik Overgaard Madsen, leiar
- Edel Elvevoll, nestleiar, professor, Tromsø
- Anne Lise Fimreite, leiar for divisjonsstyret for vitskap, prorektor, Bergen
- Eli Aamot, leder for divisjonsstyret for innovasjon, Senior Manager Plant Integrity, Trondheim
- Gunnar Bovim, leiar for divisjonsstyret for samfunn og helse, rektor, Trondheim
- Sverre Gotaas, leiar for divisjonsstyret for energi, ressurser og miljø, direktør, Stokke
- Jarle Møen, professor, Bergen
- Øyvind Fylling-Jensen, Oslo
- Mette Halskov Hansen, professor, Bærum
- Svein Olav Nås, representant for tilsette
- 1. varamedlem Marianne Synnes, viserektor, NTNU 2. varamedlem Ole Ringdal, Stavanger
- 1. vararepresentant for tilsette, Øystein Rønnin]
Forskingsformidling[endre | endre wikiteksten]
Forskningsrådet skipa i 2002 den uavhengige nettavisa Forskning.no. Nettavisa syndikerer artiklar frå formidlingsmagasina til norske universitet og forskingsinstitusjonar.
Rådet oppretta også Forskingsdagane, ein nasjonal, årleg festival der alle typar forskings- og kunnskapsbaserte institusjonar viser fram verksemda si for allmugen.
Nysgjerrigper er Forskingsrådet sitt tilbod til barn og unge. Proscientia[6] er tiltaket deira for å auka interessa for forsking og vitskap blant ungdom. Proscientia organiserer mellom anna Konkurransen Unge Forskere.
Forskingsrådet sine prisar[endre | endre wikiteksten]
- Norges forskningsråds formidlingspris
- Norges forskningsråds pris for fremragende forskning
- Forskningsrådets innovasjonspris
- Forskningsrådets pris for unge fremragende forskere[7]
Sjå òg[endre | endre wikiteksten]
Kjelder[endre | endre wikiteksten]
- ↑ Norges forskningsråds endringshistorie
- ↑ Innspill til forskningsbudsjett for 2018 Norges forskningsråd
- ↑ Om Noregs forskingsråd, henta 7. mars 2017
- ↑ Forskningsrådet:
- ↑ regjeringen.no Nytt hovedstyre i Norges forskningsråd 19. desember 2014
- ↑ http://www.proscientia.no/
- ↑ Vedtekter for prisen, som ble opprettet i 2016
- Denne artikkelen bygger på «Norges forskningsråd» frå Wikipedia på bokmål, den 7. mars 2017.
Bakgrunnsstoff[endre | endre wikiteksten]
- Offisiell nettstad
- Prosjektbanken søk og vis statistikk over mer enn 40000 tildelinger av forskningsmidler siden 2004
- Arkiv for tidligere utgaver av Bladet Forskning
- Forskningsdagene
- Nysgjerrigper
- Proscientia
- Forskning.no
