Noregs forskingsråd
| Norges forskningsråd | |||
 | |||
| Type | Forvaltingsorgan | ||
|---|---|---|---|
| Org.nummer | 970141669 | ||
| Skipa | 1993[1] | ||
| Hovudkontor | Drammensvn. 288 | ||
| Adm.dir. | Mari Sundli Tveit | ||
| Verkeområde | Noreg | ||
| Fokus | Forsking | ||
| Omsetjing | 2 629 975 (2019)  | ||
| Donasjonar | 0 (2019) | ||
| Tilsette | 390 | ||
| Eigarskap | Kunnskapsdepartementet | ||
| Nettstad | https://forskningsradet.no | ||
Noregs forskingsråd (kortform Forskingsrådet) er eit statleg norsk forvaltningsorgan oppretta av regjeringa. Det har ansvar for å finansiera forskings- og innovasjonsprosjekt.[2][3]
Rådet forvaltar forskningsmiddel og gjev råd til styresmaktene innan forskingspolitikk, mellom anna gjennom forslag til forskingsbudsjett[4] i statsbudsjettet. Andre oppgåver er å fungera som møteplass mellom forskarar, næringsliv, dei som bruker og dei som finansierer forsking. Forskingsrådet bidreg også til å gjera norsk forsking meir internasjonalt orientert, gjennom forskingssamarbeid og gjennom deltaking i EU sine forskingsprogram.[5]
På vegner av regjeringa investerer Forskingsrådet (per 2024) 11,4 milliardar kroner årleg.[6]
Forskingsrådet har ansvar for å fremje grunn- og anvend forsking og innovasjon. Dette blir gjort gjennom å forvalte forskingsmidlar og ved å gi råd til styresmaktene om forskingspolitikk, mellom anna gjennom forslag til forskingsbudsjett i statsbudsjettet.
Forskingsrådet skal fremje internasjonalt forskings- og innovasjonssamarbeid, og har mellom anna ei rekkje ordningar for å mobilisere norske søkjarar til EUs forskings- og innovasjonsprogram. Andre oppgåver er å bidra til samarbeid mellom forskarar, næringsliv, offentleg sektor, forvaltning og andre brukarar av forskingsresultat.
Forskingsrådet vart oppretta i 1993 ved samanslåing av fem ulike tidlegare oppretta forskingsråd, og hadde i 2024 ca. 390 tilsette.
Organisasjon og leiing
[endre | endre wikiteksten]Forskingsrådet er underlagt Kunnskapsdepartementet. Forskingsrådet opptrer på oppdrag frå til saman 15 departement og forvaltar eit budsjett på ca. 11,4 milliardar kroner (2024).
Administrerande direktør frå 1. mars 2021 er Mari Sundli Tveit.
12 porteføljestyre har ansvar for porteføljar av budsjettformål og andre aktivitetar innanfor spesifikke tematiske eller faglege område.[7][8]
Forskingsfinansiering
[endre | endre wikiteksten]Forskingsrådet lyser ut midlar til forskings- og innovasjonsprosjekt. Forskingsorganisasjonar, bedrifter og offentlege verksemder kan søkje om midlar gjennom Forskingsrådet, ofte i samarbeid med andre. Internasjonale fagekspertar vurderer og rangerer søknadene på vegner av Forskingsrådet, og avgjerder om tildelingar blir tekne av dei 12 porteføljestyra.
Forskingsrådet:
- lyser ut midlar for å fremje forsking, forskingsbasert innovasjon og kommersialisering.
- har det strategiske og administrative ansvaret for den statlege basisfinansieringa som blir motteken av om lag 50 forskingsinstitutt.
- finansierer fleire senterordningar. Mellom anna: Senter for framifrå forsking (SFF), Senter for forskningsdriven innovasjon (SFI) og Forskningssentre for miljøvennleg energi (FME). I tillegg får fleire forskingssenter midlar frå Forskingsrådet.
- finansierer nasjonale investeringar i forskingsinfrastruktur. Det omfattar vitskapleg utstyr, laboratorium, databasar og vitskaplege samlingar. Forskingsinfrastrukturen skal vere av nasjonal interesse og berre finst på eitt eller få stader i landet.
- Forskingsrådet hjelper norske aktørar å søkje Horisont Europa gjennom nasjonale kontaktpersonar.[9]
Forskingsformidling
[endre | endre wikiteksten]Forskingsrådet har eit nasjonalt ansvar for forskingsformidling og skal bidra til at resultat frå forsking blir tekne i bruk. Mellom anna har Forskingsrådet ansvar for Forskingsdagane, som er ein nasjonal, årleg festival, og for Nysgjerrigper som skal bidra til å gi barn og unge innsikt, forståing og interesse for forsking.
Forskningsrådet skipa i 2002 den uavhengige nettavisa Forskning.no. Nettavisa syndikerer artiklar frå formidlingsmagasina til norske universitet og forskingsinstitusjonar.
Rådet oppretta også Forskingsdagane, ein nasjonal, årleg festival der alle typar forskings- og kunnskapsbaserte institusjonar viser fram verksemda si for allmugen.
Nysgjerrigper er Forskingsrådet sitt tilbod til barn og unge. Rådet har også drive Proscientia for å auka interessa for forsking og vitskap blant ungdom.[10] Proscientia organiserte mellom anna Konkurransen Unge Forskere.
Forskingsrådet sine prisar
[endre | endre wikiteksten]Sjå òg
[endre | endre wikiteksten]Kjelder
[endre | endre wikiteksten]- ↑ «Norges forskningsråd», Forvaltningsdatabasen, arkivert frå originalen 8. mars 2017, henta 7. mars 2017
- ↑ «Nøkkelopplysninger fra Enhetsregisteret: NORGES FORSKNINGSRÅD». w2.brreg.no. Brønnøysundregistrene. Henta 23. februar 2022.
- ↑ «Norges forskningsråd - Forvaltningsdatabasen - NSD». www.nsd.no. Henta 23. februar 2022.
- ↑ Innspill til forskningsbudsjett for 2018 Arkivert 2016-11-23 ved Wayback Machine. Norges forskningsråd
- ↑ Om Noregs forskingsråd, henta 7. mars 2017
- ↑ «Årsrapport». www.forskningsradet.no. Henta 23. februar 2026.
- ↑ Publisert 01.01.2022Oppdatert 02.06.2022. «Porteføljestyra våre». www.forskningsradet.no. Henta 8. september 2022.
- ↑ «Porteføljer». www.forskningsradet.no (på norsk). Henta 8. september 2022.
- ↑ «NCP - Nasjonale kontaktpersoner i Horisont Europa». www.forskningsradet.no (på norsk). Henta 8. september 2022.
- ↑ Proscientia, arkivert frå originalen 4. juni 2009
- ↑ Vedtekter for prisen for unge framifrå forskarar, arkivert frå originalen 5. april 2016, henta 7. mars 2017
- Denne artikkelen bygger på «Norges forskningsråd» frå Wikipedia på bokmål, den 7. mars 2017.
