Norsjø

Norsjø
innsjø
Land	Noreg
Fylke	Vestfold og Telemark
Kommunar	Skien, Nome, Midt-Telemark
Høgd over havet	15.3 moh.
Areal	55,48 km²
Største djupn	176 m
Volum	5,10 km³
Kystlengd1	123,36 km
Koordinatar	59°21′50″N 09°12′04″E
Norsjø 59°18′0″ N 9°19′0″ E
Wikimedia Commons: Norsjø
1 Kystlengd er eit unøyaktig mål som kanskje ikkje er standardisert for denne artikkelen.

Norsjø er ein innsjø i Vestfold og Telemark. Namnet kjem av gammalnorsk nór, som tyder «trong» eller «smal». Djupna ligg for ein stor del på om lag 170 m. Innsjøen er regulert med demning ved Skotfoss til ei høgd over havet på 15,3 m. Lengda er om lag 30 km.

Dei fleste elvar som høyrer til Skiensvassdraget samlar seg i Norsjø før vassdraget munnar ut i Skienselva. Dei største av desse er Eidselva frå Bandakkanalen, Bøelva (Gvarvelva) frå Seljordsvatn og Sauarelva frå Heddalsvatnet.

Norsjø er drikkevasskjelde for kommunane Skien og Nome.

Norsjø utgjer ein sentral del av Telemarkskanalen ved at han går frå Bandak-Norsjøkanalen, òg kalla Bandakkanalen, til Norsjø-Skienkanalen.

Det er ein del reiselivsverksemd ved Norsjø, i hovudsak frå Ulefoss og nordover. Her finn ein, utan overnattingsstader og campingplassar, både golfbane og museum.

Sluseanlegga til begge nemnde kanalar er populære turistmål, t.d. Løveid ved Skotfoss (Norsjø-Skienkanalen), og Ulefoss og Vrangfoss (Bandakkanalen). Ulefos Hovedgaard er ein del av Telemark Museum.

Denne geografiartikkelen som har med Vestfold og Telemark å gjere, er ei spire. Du kan hjelpe Nynorsk Wikipedia gjennom å utvide han.