Norsk Høstfest
Norsk Høstfest er ein årleg festival som blir halden kvar haust i Minot i Nord-Dakota i USA. Han er den største skandinaviske festivalen i Nord-Amerika.[1]
Historie[endre | endre wikiteksten]
Festivalen blir halden på området til North Dakota State Fair i Minot i Nord-Dakota. Titusentals folk deltar for å feire og ta del i den skandinaviske kulturen og underhaldninga. Festivalen har vore vertskap for kulturelle leiarar frå Island, Danmark, Noreg, Sverige, Finland, Estland, Grønland, Åland, Færøyane, tyskspråklege Europa og Nederland.[2]
Festivalen blei skipa i 1978 av den tidlegare senatoren for Nord-Dakota og borgarmeisteren i Minot, Chester Reiten (1923-2013), og ei gruppe vener som delte interessa hans for å feira den nordiske arva deira. Festivalen er ein ikkje-profiterande organisasjon som samlar inn pengar til å ta vare på, forbetra og dela skandinavisk kultur og arv og halda utdanningsprogram.[3]
Hostfest 2020 og 2021 blei avlyst på grunn av koronapandemien.[4]
Aktivitetar[endre | endre wikiteksten]
Høgdepunkt ved festivalen er mellom anna annonseringa av dei som har kome med i Scandinavian-American Hall of Fame.[5] Hall of Fame er ein måte til å heidra folk av skandinavisk avstamming i Nord-Amerika som har oppnådd stordom i sine verkefelt, og/eller har gjort ein innsats for å forbetra tilveret til menneskja.[6]
Andre ærestilvisingar omfattar valet av den årlege Miss Norsk Høstfest[7] og tildelinga av Chester Award,[8] som heidrar framifrå bidrag til festivalen i fem kategoriar: handverk, utstillar, mat, frivillig og styreleiar.[9]
Norsk Høstfest har ei rekkje nordiske utstillingar der ulike handverkarar og kokkar tek del.[10]
Under Høstfest-veka i slutten av september og dei fyrste dagane i oktober kjem representantar til festival til området og presenter døme på nordisk arv og kultur til lokale elevar i samband med «Høstfest In The Schools». Scandinavian Youth Camp blir halden helga før Høstfest. Barn som deltek på desse leirane opptrer også på festivalen i hendingar som Troll venleikstevling, norsk folkedans, svensk maistongdans og Troll-opptoget.[11]
Det blir hyrt inn fleire underhaldarar kvar kveld festivalen er i gang som ikkje berre er knytte til det skandinaviske. Utøvarar har kome frå USA, Canada og Europa.[12]
Kjelder[endre | endre wikiteksten]
- ↑ Neenan, Kelly. «Be a Viking for the Day at Norsk Hostfest, North America's Largest Scandinavian Festival». iExplore.com. Inside-Out Media. Henta 28. september 2016.
- ↑ Norsk Hostfest getting under way in Minot (Minot Daily News September 27, 2008)
- ↑ «Chester Reiten». The Bismarck Tribune. 27. januar 2013. Henta 1. mars 2019.
- ↑ «Norsk Høstfest Cancels 2020 International Festival». Norsk Høstfest. Norsk Høstfest. Arkivert frå originalen 25. mai 2020. Henta 18 March 2020.
- ↑ SAHF Inductees – Norsk Høstfest (på engelsk), henta 20. juni 2022
- ↑ «Norsk Hostfest in Minot, North Dakota». Norwegian American Genealogical Center & Naeseth Library. Arkivert frå originalen 1. desember 2021. Henta March 1, 2019.
- ↑ Miss Norsk Høstfest – Norsk Høstfest (på engelsk), henta 20. juni 2022
- ↑ The Chester Award – Norsk Høstfest (på engelsk), henta 20. juni 2022
- ↑ «Norsk Høstfest». North Dakota Tourism Division. Henta 1. mars 2019.
- ↑ Darin Lietz (14. oktober 2015). «A host of delicacies flavor Høstfest». The Norwegian American. Henta 1. mars 2019.
- ↑ Keith R. Darnay. «Norsk Høstfest: An Historical Overview». minot.com. Henta 1. mars 2019.
- ↑ Helseth, Candi Three decades of Høstfest. Minot steals the show with country’s premier Scandinavian festival (Bismarck, ND: North Dakota Horizons. Fall 2006)
- Denne artikkelen bygger på «Norsk Høstfest» frå Wikipedia på engelsk, den 20. juni 2022.
Bakgrunnsstoff[endre | endre wikiteksten]
- Olson, Lori; Olson, Jim (1995) Norsk Hostfest: Heritage Comes Alive (Helena, Mt: Farcountry Press) ISBN 978-1560370789
- Emch Paul Thomas (2011) The Norsk Hostfest: A Celebration of Ethnic Food and Ethnic Identity (Dallas, TX: SIL International) ISBN 978-1556712654