Redningsselskapet

Frå Wikipedia – det frie oppslagsverket
Gå til: navigering, søk
Redningsselskapet logo
Veteranbåten «Biskop Hvoslef» som var i teneste frå 1933 til 1965
RS 158 «Idar Ulstein» er per 1. januar 2017 Redningsselskapets flaggskip med det siste innen utstyr for søk og redning. Skøyta kombinerer stor slepekraft med toppfart på nesten 40 knop. Foto: Redningsselskapet/ Lars. Kr. Enger

Redningsselskapet (RS), tidlegare Norsk Selskab til Skibbrudnes Redning (NSSR), er ein norsk frivillig og humanitær medlemsorganisasjon som vart stifta av Kristiania Kjøbmandsforening 9. juli 1891. Organisasjonen har som formål å redde liv, drive førebyggjande arbeid og berge verdiar på sjøen. Visjonen til Redningsselskapet er Ingen skal drukne.[1]

Organisasjoner vert drive ved hjelp av medlemsinntekter, donasjonar, innsamla midlar, operasjonelle inntekter, samt eitt statleg bidrag frå Samferdselsdepartementet på 83,5 millionar kroner (dekkjer omlag 15% av samla driftsutgifter).[2][3]

Kvart år får omlag 15 000 mennesker hjelp av Redningsselskapet, og i 2016 berga mannskapet på redningsskøytene 45 menneskeliv i Noreg. Til sjøs er selskapet sine redningsskøyter sett på som den primære ressursen ved søk og redning, og åleine står dei for over 76% av alle HRS-oppdrag (oppdrag kanalisert gjennom dei to hovudredningssentralane i Bodø og på Sola), medan dei resterande 24% blir løyst av ressursar frå m.a. politi, brannvern, kystvakt, ambulansefartøy og sivile.[2]

Totalt hadde selskapet sine redningsskøyter 7 529 oppdrag i 2016.[2]

Redningsselskapet er utgjevar av eitt av dei største fagblada i Norge, RS-Magasinet, med 178 134 i opplag, fire gongar i året.[4]

Organisering[endre | endre wikiteksten]

Redningsselskapet er organisert som ein frivillig humanitær organisasjon, eigd av medlemmane og styrt gjennom lokalforeninger, distriktsårsmøte og representantskapsmøte som utpeikar eit sentralstyre. Den daglege drifta av Redningsselskapet vert leia av generalsekretæren og hennar leiargruppe. [5] Rikke Lind tok 6. august 2012 over som generalsekretær etter Øyvind Stene.

Organisasjonen hadde 109 168 medlemmar i 2016. Av disse var 92 090 såkalla Totalmedlemmar.[2]

Representantskapet er det høgaste organet i organisasjonen og har som hovudoppgåve å velje sentralstyre og fastsette organisasjonen sine vedtekter. Representantskapsmøtet vert heldt i juni kvart år. Her møter 24 representantar frå dei 12 ulike distrikta, 12 representantar frå 11 brukarorganisasjonar og to tilsetterepresentantar. President, og leiar for sentralstyret er Nicolai Jarlsby.[2]

Redningsselskapet har sitt hovudkontor på Lysaker i Oslo og har fem regionkontor (Nord, Sør, Aust, Vest og Midt-Noreg).[5]

Redningsskøytene[endre | endre wikiteksten]

For meir om dette emnet, sjå Norske redningsskøyter.

I alt 164 redningsskøyter er bygd.[6] Colin Archer designa den første klassa med redningsskøyter med segl som einaste framdriftsmiddel. Seinare vidareførte Bjarne Aas tradisjonen samtidig som skøytene fekk motor i tillegg til segl.[7]

I dag er alle tradisjonelle skøyter og kryssarar teke ut av teneste og erstatta av hurtiggåande fartøy med skrog i aluminium eller glasfiber/karbonfiber-sandwich, men fartøya vert framleis kalla redningsskøyter. Redningsskøytene er i dag fordelt på 10 fartøyklasser; Staff, Ulstein, Bergesen, Petter C.G.Sundt, Fosen, Simrad, Von Koss, Emmy Dyvi, Skovær og Adeler.[8]

Redningsselskapet har 54 operative redningsskøyter som betener 59 stasjonar langs kysten, samt på innsjøane Femunden og Mjøsa. 26 av desse er bemanna av 197 profesjonelle sjøtilsette, medan dei resterande 25 redningsskøyter er drifta av sjøredningskorps og bemanna av frivillige. Talet på frivillige i sjøredningskorps var 1300 i 2016.[2]

Nokre kjende redningsaksjoner[endre | endre wikiteksten]

  • Den første redningsskøyta blei sett i teneste i 1893, og i 1894 redda «Colin Archer» 36 menneske i storm ved Hamningberg i Finnmark.
  • Roktaforliset: 3. april 1938 gjekk DS «Rokta» på grunn og sokk ved Gallerskjera utanfor Bjørnsund. Seks av mannskapet på 12 blei berga av redningsskøyta RS «Christian Bugge» og lokale fiskarar.

Sjå også[endre | endre wikiteksten]

Kjelder[endre | endre wikiteksten]

  1. Vår visjon. Redningsselskapet. Vitja 20.08.2017.
  2. 2,0 2,1 2,2 2,3 2,4 2,5 Årsrapport 2016. Redningsselskapet. Vitja 10.08.2017.
  3. Revidert nasjonalbudsjett 2017 - Økt tilskudd til Redningsselskapet. Samferdselsdepartementet.
  4. «Opplag 10 største fagblader - Medienorge - fakta om norske massemedier - statistikkmeny». Medienorge.
  5. 5,0 5,1 Organisasjon. Redningsselskapet.
  6. Redningsskøytene. Redningsselskapet.
  7. Vår historie. Redningsselskapet.
  8. Skøyteklasser. Redningsselskapet.

Bakgrunnsstoff[endre | endre wikiteksten]