Norske Tog AS
| Norske Tog AS | |||
 | |||
| Org.form | Aksjeselskap | ||
|---|---|---|---|
| Org.nr. | 917445060 | ||
| Skipa | 16. juni 2016 | ||
| Eigar | Samferdsledepartementet, Vy | ||
| Morselskap | Togmateriell, Vy | ||
| Eigenandel i | Di 4,[1] NSB El 18,[2] NSB type 69,[3] NSB type 70,[4] NSB type 72,[5] NSB type 73,[6][7] Type 74,[8] NSB B5,[9] NSB B7,[10] WLAB-2,[11] Type 75[12] | ||
| Hovudkontor | Oslo | ||
| Land | Noreg[13] | ||
| Nettstad | http://www.norsketog.no/ | ||
Norske Tog AS, og kalla berre Norske tog, er eit aksjeselskap eigd av den norske staten. Selskapet vart skild ut frå NSB-konsernet i april 2017 for å vere eigar av alle dei persontoga som NSB-konsernet eigde til då, men med nokre få unnatak. Dette vart gjort som ein lekk i den såkalla jarnbanereforma, som går ut på å privatisere drifta av toga i Noreg ved at staten ved Norske Tog AS eig persontoga, staten ved selskapet Bane NOR eig, held vedlike og byggjer ut linenettet etc., og ulike jarnbaneselskap køyrar persontoga etter å ha vunne offentlege anbodskonkurransar for køyring av persontog på dei aktuelle strekningane. Selskapet Norske Tog AS har difor som si hovudoppgåve å leige ut tog på like vilkår til jarnbaneselskapa som dei treng for å drive persontrafikk på strekningane dei har fått tildelt. NSB leigar no toga sine frå Norske Tog AS.
Selskapet Norske Tog AS skal dessutan hjelpe Jernbanedirektoratet med å etablere strategiar for innkjøp av materiell ut frå samfunnsøkonomiske omsyn, og ha ansvaret for prosessen med å kjøpe inn nye persontog. Då det ikkje er gjennomført standardisering av jarnbanene i Europa, skal selskapet syte for at tog som vert kjøpt eller leigd for å nyttast på det norske linenettet, samsvarar med dei særnorske operative tilhøva, som til dømes klima- og terrengtilhøva, infrastrukturen og regelverka. Med si ekspertise på tog skal selskapet òg gje operatørane råd i tekniske spørsmål og forvalte eit lager av kritiske delar som operatørane kan leige når dei treng det.
Selskapet har hovudkontor i Oslo.
Kjelder[endre | endre wikiteksten]
- ↑ https://www.norsketog.no/tog/di4.
- ↑ https://www.norsketog.no/tog/el18.
- ↑ https://www.norsketog.no/tog/type69h.
- ↑ https://www.norsketog.no/tog/type70.
- ↑ https://www.norsketog.no/tog/type72.
- ↑ https://www.norsketog.no/tog/type73a.
- ↑ https://www.norsketog.no/tog/type73b.
- ↑ https://www.norsketog.no/tog/type74.
- ↑ https://www.norsketog.no/tog/type5.
- ↑ https://www.norsketog.no/tog/type7.
- ↑ https://www.norsketog.no/tog/wlab2.
- ↑ https://www.norsketog.no/tog/type75.
- ↑ Norsk senter for forskningsdata, Forvaltningsdatabasen ID 57598, Wikidata Q7061260
