Norton-ekvivalent

Norton-ekvivalent.

Norton-ekvivalent er ein ein-port-krins som representerer ein meir kompleks krins. Ekvivalentkrinsen er tufta på Notons teorem, som seier at ein vilkårleg lineær krins med ei eller fleire spenningskjelder, straumkjelder og motstandar er ekvivalent med ei ideell straumkjelde $i_{N}$ i parallell med ein motstand $R_{N}$. Straumen $i_{N}$ frå den indre straumkjelda $i_{N}$ blir kalla Norton-straumen og motstanden $R_{N}$ blir kalla Norton-motstaden, eller «den indre motstanden». Med open utgang er utgangsspenninga $u_{ut}=R_{N}i_{N}$.

Norton-ekvivalent med lastmotstand.

At ein vilkårleg krins kan omformast til ein ekvivalent krins med berre to komponentar forenklar i mange samanhengar analysen mykje. Når ein lastmotstand $R_{L}$ blir kopla til utgangen dannar Norton-motstanden $R_{N}$ og lastmotstanden $R_{L}$ ein straumdelar, så når Norton-ekvivalenten og lastmotstanden $R_{L}$ er kjende kan ein finna straumen gjennom $R_{L}$ som

$i_{L}=i_{N}\left({\frac {R_{N}}{R_{L}+R_{N}}}\right)$.

For å få størst mogeleg straum over lasten må Norton-motstanden vera stor i høve til lastmotstanden: $R_{N}\gg R_{L}$. Om ein kortsluttar utgangen blir $i_{L}=i_{N}$.

Sjå òg

• Thévenin-ekvivalent