Novgorod oblast

Novgorodskaja oblast
   

Hovudstad	Velikij Novgorod
Areal - Totalt - % vatn	Rangering: 51. 55 300 km² Ukjent
Innbyggjartal - totalt - folketettleik	Rangering: 69. ca. 634 100 (2010) ca. 11,5/km²
Føderalt distrikt	Nordvestlege
Økonomisk region	Nordvest
Regionsnummer	53
Offisielt språk	Russisk
Guvernør	Sergej Gerasimovitsj Mitin
Nasjonalsong
Tidssone	UTC +0300

Novgorod oblast (Russisk språk: Новгоро́дская о́бласть) er eit oblast vest i Russland. Novgorod oblast er ei føderal eining i den russiske føderasjonen. Oblastet ligg i det nordvestre føderale distriktet i Russland, mellom Moskva og St. Petersburg. Hovudstaden i oblastet er byen Velikij Novgorod (Store Novgorod). Andre viktige byar er: Borovitsji, Staraja Russa, Valdaj og Tsjudovo.

Flatevidda er 55 300 km². Folketalet var, ved folketeljinga i 2010, 634 100, ned frå kring 753 000 i 1989. Det store fleirtalet av folket er etniske russarar, 88,4 % ved folketeljinga i 2010. Den største minoritetsgruppa var ukrainarar (1,1 %).

Geografi

Novgorod oblast grensar til Leningrad oblast i nordvest og nord, Vologda oblast i aust, Tver oblast i sør og søraust og Pskov oblast i sørvest.

Den vestlege delen er lågland kring Ilmensjøen, medan resten er høgland (ein del av Valdajhøgdene). Det høgaste punktet er Ryzjokha (296 moh).

Tidssone

Novgorod oblast har Moskvatid (MSK/MSD). I høve til UTC er avviket +0300 (MSK)/+0400 (MSD).

Bakgrunnsstoff

Novgorod oblast sine offisielle heimesider Arkivert 1999-04-20 ved Wayback Machine. på russisk
Kommersant artikkel Arkivert 2006-01-07 ved Wayback Machine. på engelsk

Denne geografiartikkelen er ei spire. Du kan hjelpe Nynorsk Wikipedia gjennom å utvide han.