Odd Grønvik

Frå Wikipedia – det frie oppslagsverket
Hopp til navigering Hopp til søk
Odd Grønvik
Fødd 31. mai 1918
Død

18. desember 1999

Yrke lege

Odd Lien Grønvik (31. mai 191818. desember 1999) var ein norsk nevrolog som verka som overlege og dommar i Trygderetten.[1]

Grønvik tok medisinsk embetseksamen frå Universitetet i Oslo desember 1946.[1] Han vart spesialist i nevrologi 1955 og EEG i 1959. Han hadde ein omflakkande praksis i åra 1946–1953 (Lofoten, Bergen, Oslo). Frå 1953 til 1972 hadde han nevrologisk sjukehuspraksis ved Rikshospitalet og Statens senter for epilepsi i Sandvika. Han var medisinsk medlem i Trygderetten frå 1973 til 1985 og var då samtidig bedriftslege i Dagbladet.[1]

Han var gift (1946-1999) med kullkamerat og seinare spesialist i psykiatri og barnepsykiatri Einfrid Perstølen, og dei fekk fire born.

Odd Grønvik vart arrestert 15. oktober 1943 av den tyske okkupasjonsmakta i Noreg i lag med om lag 50 andre studentar og 10 professorar. Dette var før den store studentaksjonen. Han var først fange i Noreg, og frå desember 1943 i Alsace, Frankrike og seinare Tyskland. Han vart frigjeven 23. desember 1944. Under opphald i Sennheim (nå Cernay) og Bitzweiler var han tillitsmann for dei norske studentane/fangane. Seinare i livet engasjerte han seg for krigsfangane og gav ut fleire verk om «KZ-syndromet» som følgde av å ha vore fangenskap.[1]

Odd Grønvik var formann i Yngre Legers Forening 1958–1963 og medlem av Legeforeningens landsstyre 1956–1965.[1] Han var medlem av Krigsseilerkommisjonen av 1957.

Kjelder[endre | endre wikiteksten]