Oddvar Flæte

Frå Wikipedia – det frie oppslagsverket
Hopp til navigering Hopp til søk
Oddvar Flæte
Oddvar Flæte.jpg
Fødd 31. mars 1944 (77 år)
Leikanger
Yrke politikar
Verv Fylkesmann i Sogn og Fjordane
Periode 1994-2011
Føregangar Ingvald Ulveseth
Etterfylgjar Anne Karin Hamre
Oddvar Flæte på Commons

Oddvar Johannes Flæte (fødd 31. mars 1944 i Leikanger), oppvaksen i Årdal og Høyanger, var fylkesmann i Sogn og Fjordane frå 1994 til 2011.

Utdanning[endre | endre wikiteksten]

Flæte er utdanna siviløkonom frå Handelshøyskolen BI (1971). Han har også teke utdanning i leiarutvikling hjå IMI i Geneve i Sveits (1991), og gått Forsvarets høgskole i 2001.

Yrkesliv[endre | endre wikiteksten]

Frå 1971 til 1976 var Flæte tilsett ved ÅSV Høyanger Verk, i Høyanger kommune, med ansvar for opplæring, informasjon og organisasjon. Frå 1976 til 1982 var han leiar ved Vik Verk i Vik kommune. Frå 1982 til 1983 var Flæte marknadssjef i ÅSV Foredling.

Frå 1983 til 1987 jobba Flæte som prosjektleiar i Norwegian Petroleum Consultants/Statoil. Etter dette etablerte og dreiv Flæte, saman med fleire andre, konsulentfirmaet Terramar AS (1987-1992). I 1992 vart han tilsett som godsdirektør og seinare trafikkdirektør i NSB, ein posisjon han hadde fram til han vart fylkesmann i 1994.

Flæte var fylkesmann i Sogn og Fjordane frå 1994 til 2011.

Engasjement[endre | endre wikiteksten]

Flæte har hatt ei rekkje styreverv i ulike verksemder, og har engasjert seg i satsing på informasjonsteknologi i Sogn og Fjordane, mellom anna gjennom prosjektet IT-forum Sogn og Fjordane. I embetstida hans vart den statlege informasjonstenesta noreg.no, seinare Difi (Direktoratet for forvaltning og IKT), utvikla og lokalisert til Leikanger kommune.

Etter at Flæte gjekk av som fylkesmann i 2011 vart han styreleiar i Førdepakken AS, eit selskap som er pådrivar for å få på plass nytt vegsystem i og rundt Førde.

Flæte leia regjeringa sitt klimatilpassingsutval som leverte si innstilling i 2011. I 2013 vart han leiar for eit nytt NOU-utval som skal gå gjennom kommunelova med sikte på å styrke det kommunale sjølvstyret.

Kjelder[endre | endre wikiteksten]