Oddvar Krogh

Frå Wikipedia – det frie oppslagsverket
Hopp til navigering Hopp til søk
Oddvar Krogh
Statsborgarskap Noreg
Fødd 6. april 1937

Oddvar Krogh (fødd 6. april 1937) er ein norsk tidlegare friidrettsutøvar frå Degernes som tevla i sleggjekasting. Krogh, som var medlem av Sarpsborg IL, vart noregsmeister i sleggjekast fem gongar; 1958, 1959, 1963, 1964 og 1965, og vann i tillegg to sølvmedaljar og ein bronsemedalje i NM. Han bur i Sarpsborg.

Aktiv[endre | endre wikiteksten]

Krogh vann sitt fyrste NM-gull i 1958. Same året deltok han i EM i friidrett 1958, der han enda som syttandemann med 58,33 m. I oktober månad passerte han 60-metersgrensa, fyrst med 60,32 m og så to veker seinare me 60,96 m. Året etter forbetra han i juni månad noregsrekorden i sleggjekast til 63,35 m, ein rekord Sverre Strandli hadde hatt hevd på i 10 år. To månader rekordkastet forsvarte Krogh NM-tittelen i øvinga med eit kast på 61,52 m, nok til at han vart tildelt kongepokalen.

Etter at Strandli i perioden 1960-62 hadde forbetra den norske sleggjerekorden ved tre høve, sist til 63,88 m, sende Krogh sleggja heile 64,83 meter avgarde i eit stemne i Moss 21. august 1963. Den 19. september 1964 vart han så fyrste nordmann over 65 meter då han vann sleggjetevlinga under landskampen Italia-Noreg-Sverige på olympiastadion i Roma og flytta den norske rekorden til 65,80 meter. Rekorden vart ståande i 11 år.

Medaljar i norske meisterskap[endre | endre wikiteksten]

  • 1957: Bronsemedalje i sleggjekasting – 55,24 m
  • 1958: Gullmedalje i sleggjekasting – 58,62 m, framom Magne Føleide (55,05 m)
  • 1959: Gullmedalje i sleggjekasting – 61,52 m, framom Sverre Strandli
  • 1960: Sølvmedalje i sleggjekasting – 61,15 m, bakom Sverre Strandli (61,52 m)
  • 1961: Bronsemedalje i sleggjekasting – 60,23 m
  • 1962: Sølvmedalje i sleggjekasting – 62,71 m, bakom Sverre Strandli (63,16 m)
  • 1963: Gullmedalje i sleggjekasting – 62,01 m, framom Odd Sangvik
  • 1964: Gullmedalje i sleggjekasting – 62,61 m, framom Sverre Strandli (62,15 m)
  • 1965: Gullmedalje i sleggjekasting – 63,86 m, framom Magne Føleide (61,58 m)
  • 1966: Gullmedalje i sleggjekasting – 60,64 m, framom Sverre Strandli (59,48 m)
  • 1967: Sølvmedalje i sleggjekasting – 58,20 m, bakom Arne Lothe

Kjelder[endre | endre wikiteksten]

  • Magnus Breili: Sport i navn & tall. 1971
  • friidrett.no