Ola Borten Moe

Ola Borten Moe
Fødd	6. juni 1976 (46 år) Trondheim
Statsborgar av	Noreg
Parti	Senterpartiet
Yrke	politikar, bonde, forretningsdrivande, deltakar i internasjonale forum
Utdanna ved	Noregs teknisk-naturvitskaplege universitet
Ektefelle	Anna Ceselie Brustad Moe

Ola Borten Moe (fødd 6. juni 1976 i Trondheim) er ein norsk gardbrukar og politikar og fyrste nestleiar i Senterpartiet. Frå 2021 er han forskings‑ og høgare utdanningsminister i Regjeringa Støre.

Moe er utdanna agronom og har statsvitskap og historie mellomfag frå NTNU.

Politisk karriere

Moe vart vald inn på Stortinget frå Sør-Trøndelag fylke i 2005, etter å ha vore vararepresentant i perioden 2001–2005. Han var lokalpolitikar i Trondheim og medlem av Trondheim bystyre frå 1995 til 2007, og kommunalråd i Trondheim 1993–1996. Han var nestleiar for Kyrkje- og kulturkomiteen i Trondheim 1995–1999, og leiar for Oppvekstutvalet 1999–2003.

Moe var medlem av Senterpartiets programkomite forut for stortingsvalet 2005, og har ei særleg interesse for distrikts- og næringspolitikk. Frå haustsesjonen 2007 overtok han leiinga av Stortingets næringskomité etter at partifellen Lars Peder Brekk vart parlamentarisk leiar og trådde til i Stortingets kontroll- og konstitusjonskomité. 4. mars 2011 overtok han som olje- og energiminister etter Terje Riis-Johansen.

Stortingskomitear

• 2009–: medlem i kommunal- og forvaltingskomiteen
• 2009–: første nestleiar i kontroll- og konstitusjonskomiteen
• 2007–09: leiar i næringskomiteen
• 2005–07: medlem i energi- og miljøkomiteen
• 2005–09: varamedlem i valkomiteen

Familie

Moe er barnebarn av tidlegare statsminister Per Borten. Han er gift med tidlegare stortingsrepresentant Anna Ceselie Brustad, som han gifta seg med i 2008.

Bakgrunnsstoff

• Stortinget - Biografi
• adressa.no: Nytt trønderpar på Tinget Arkivert 2014-12-20 ved Wayback Machine.