Ola Høyland
| Ola Høyland | |
| Fødd | 25. mai 1890 Stord |
| Død | |
| Yrke | politikar |
Ola Høyland (25. mai 1890–18. mai 1981) var ein norsk gardbrukar, politikar og historikar frå Stord.
Høyland gjekk Voss folkehøgskule i 1909/10 og ein vinterjordbruksskule i Ørsta i 1915/16. Frå 1918 til 1959 var han gardbrukar på Stord.
Høyland var varaordførar i Stord frå 1932 til han var avsett av okkupasjonsstyret i 1941. I 1945 vart han vald til ordførar, eit ombod han hadde til 1955. Perioden 1954-57 var han stortingsrepresentant frå Hordaland og for Bondepartiet, med plass i Stortinget sin justiskomite.
Høyland var styreformann 1946-53 i Sunnhordaland kraftlag og 1947-55 i Hordaland landbruksselskap. Han var formann i Hordaland bondelag 1947-52 og varaformann i Norges Bondelag 1948-52. Frå 1956 til -63 var han formann i representantskapet for Hardanger Sunnhordlandske Dampskipsselskap.
Høyland skreiv tre bøker med lokalhistoriske emne; Høyland på på Stord (1954), Stord bygdebok - 2 - Gards- og ættesoga (1966), og Ætteliste for Høyland (1971).