Ola O. Skylstad
Ola Olsson Skylstad (27. januar 1883–4. desember 1967) var ein norsk gardbrukar på Skylstad i Hjørundfjord. Han var ordførar 1942–45 i dåverande Hjørundfjord kommune.
Skylstad gjekk Gjermundnes landbruksskule 1902/03. Frå unge år var han fiskar, også var han trandampar i Vardø. Ei tid meierikontrollør i Sogn og i Trøndelag. Kring 1910 tok han over drifta av farsgarden Jogarden på Skylstad, dyrka med tida 25-30 dekar jord. I heimbygda var han elles aktiv med i lagslivet, formann 1913-20 i Norangsdalen Ungdomslag. Han var ein framifrå lyrikar, gav 1919 ut diktsamlinga Bergmaal. Gav også ut postkort med eigne landskaps-fotografi. "Sjølvsagt kom han med i kommunalt styre og stell". Sterke norskdomsinteresser førte han i "retning Nasjonal Samling" og 1. november 1940 melde han seg inn i partiet. Kringsårå tok han mykje plass i bygdelivet i Hjørundfjord. Mellom anna medverka han til at soknepresten Asbjørn Skram vart fjerna frå embetet. Sommaren 1942 vart Skylstad utnemnt til ordførar, eit ombod han styrte til han 10. mai 1945 vart arrestert. Han vart dømt til 3 år og 6 månaders fengsel for landssvik.
Ola O. Skylstad var gift med Dorthea K. Husby. Dei var foreldre til fire born.
Kjelder
[endre | endre wikiteksten]- Hjørundfjordboka. Band II. Gard og ætt, s. 294 1988.
- Folketeljing 1920