Olaf Bryn

Frå Wikipedia – det frie oppslagsverket
Olaf Bryn

Statsborgarskap Noreg
Fødd 9. juni 1872
Bærum kommune
Død

8. oktober 1948 (76 år)

Yrke politikar, bonde
Språk norsk
Politisk parti Høgre

Olaf Bryn (9. juni 18728. oktober 1948) var ein norsk gardbrukar og politikar som var fødd og død i Bærum.

Bryn var son til ein gardbrukar. Etter eksamen frå mellomskulen i 1890 tok han over både farsgarden Bryn og garden Rud i Vestre Bærum, 18 år gammal. Her dreiv han mellom anna Bryn gartneri.

Frå 1901 til 1922 var Bryn medlem av heradsstyret i Bærum, varaordførar 1904-09 og ordførar 1910-16. Åra 1922 til -27 var han stortingsrepresentant frå Akershus og for partiet Høgre. På Tinget var han sekretær 1922-24 og medlem 1925-27 i Tollkomiteen. Han møtte også to veker i 1928-sesjonen som vararepresentant.

Bryn var lokal kyrkjeverje i over femti år. Han var forlikskommissær i Bærum i lang tid, formann i forliksrådet 1914-34. Elles var han medlem i Akershus fylkes vegstyre til 1922, styremedlem i Bærums sparebank, medlem 1895-1928 av forstandarskapet i Bærums Sparebank og frå 1928 av ettersynskomiteen ved Noregs Bank sitt hovudkontor i Oslo.

Kjelder[endre | endre wikiteksten]