Olaf Fjalstad
| Olaf Fjalstad | |||
| Fødd | 2. april 1888 Bamble | ||
|---|---|---|---|
| Død | 22. februar 1971 (82 år) | ||
| Statsborgar av | Noreg | ||
| Yrke | politikar, jurist | ||
| Alle verv |
| ||
Olaf Fjalstad (2. april 1888–22. februar 1971) var ein norsk jurist og politikar, fødd i Bamble. Han representerte byane i Nord-Noreg og partiet Høgre på Stortinget frå 1928 til -45.
Fjalstad var son til ein prest. Han var elev ved Kongsgård skole i Stavanger.[1]Etter å ha vorte student i Stavanger i 1906, studerte han til cand.jur. og tok eksamen i 1911. Åra 1911-15 praktiserte han kunnskapane sine hos Riksadvokaten i Oslo, og på sorenskriveri i Valdres og Nordre Helgeland. I 1916 flytta han til Tromsø og var fullmektig hos statsadvokaten i fem år, og deretter statsadvokat 1921-37 i Troms og Finnmark lagsokn. Samstundes var han 1930-37 styrar av Noregs Bank si avdeling i Tromsø. Frå 1937 var han lagdommar i Nedenes til han gjekk for aldersgrensa, budde då i Arendal.
Fjalstad var med i Tromsø bystyre frå 1922 til han forlet byen i 1937. Han var varaordførar 1926 og 1929-30, ordførar 1927. Hausten 1927 vart Høgre-mannen vald til å representere byane i Nord Noreg; Bodø, Narvik, Tromsø, Hammerfest, Vardø, Vadsø, på Stortinget. Med attval dei tre neste stortingsvala, vart han verande stortingsmann til 1945. Månadene fram til 21. juni 1928 var han med i Sosialkomiteen, då han vart flytta over i Justiskomiteen, der han vart verande medlem til han gjekk ut av Stortinget.
Kjelder[endre | endre wikiteksten]
- ↑ Stavanger Aftenblad: "Kongsgård-starer til 50-årsfest", 21. juli 1953 s.3.
- Stortingsbiografi Arkivert 2016-03-04 ved Wayback Machine.