Olav Henning Vatne

Olav Henning Vatne (fødd 1965) er ein tidlegare handballspelar frå Molde. Han vann to seriemeisterskap og eitt cupmeisterskap med Stavanger IF. Vatne var ein hardtskytade rykkromspelar.

Klubbspel

Vatne spelte på Molde HK sitt lag frå 1985 til 1987. Han melde då overgang til topplaget Stavanger IF og bidrog til at mannskapet i Stavanger vann seriemeisterskapen i 1989 og året etter. Han spelte to NM-finalar. I 1988/89-finalen vart det tap mot byrival Viking HK, medan det i 1991 vart siger over IL Runar. I 1992 tok Vatne turen til spanske Alicante. Etter eit mislukka opphald i utlandet, vende han 1993 tilbake til Molde. Han var aktiv på nivå 2 i seriesystemet til 1997.

Landslagsspel

Vatne debuterte for Noreg med tap mot Sverige den 24. oktober og avslutta med siger mot Sverige den 28. februar 1992. På sine 42 landskampar skåra han 47 mål.

Kjelder

• handball.no