Olav Vik

Frå Wikipedia – det frie oppslagsverket
Hopp til navigering Hopp til søk
Olav Vik
Fødd 12. januar 1910
Død

24. mars 1990 (80 år)

Yrke Forfattar
Periode 1941-1990
Debut Hjartemål

Olav Berner Vik (12. januar 191024. mars 1990) var ein norsk lyrikar frå Etne.

Alt som syttenåring skreiv han forteljingar både på vers og prosa, og debuterte med diktsamlinga Hjartemål i 1941. Til saman gav han ut 4 diktsamlingar, og skreiv elles mellom anna i Unglyden, Nynorsk Vekeblad og Haugesunds Avis, både dikt og prosa. Han har tala på mange markeringar i bygda og omegn, og mange av prologane og helsingane hans er samla i festskriftet Etne mållag laga i samband med 70-årsdagen hans i 1980, I lyd og lag med Olav Vik.

Han har jobba som revisor i Etne Sparebank og var tilsett som skogreisingsleiar i Etne 1947-1958. Han tok over familiegarden på Osnes i Etne i 1957. Han fekk etter kvart omregulert området til friluftsområde og ved sin død testamenterte han eigedommane sine på Osnes til friluftsformål gjennom Olav Vik-stiftelsen.

Bibliografi[endre | endre wikiteksten]

  • 1941 – Hjartemål (Oslo: Fonna. Diktsamling)
  • 1948 – Tuva og tårnet (Oslo: Fonna. Diktsamling)
  • 1978 – På ei strand (Oslo: Fonna. Diktsamling)
  • 1979 – Når ufødde talar (Oslo: Fonna. Diktsamling)

Kjelder[endre | endre wikiteksten]

  • På ei strand av Olav Vik (Oslo: Fonna Forlag, 1978).
  • I lyd og lag med Olav Vik. Festskrift til 70-årsdagen 12. januar 1980 (Etne mållag, 1980).
  • «Friluftsområdet Osnes» hjå Olav Vik-stiftelsen, innhenta 16. juni 2020.