Oldtidsriket Lydia

Frå Wikipedia – det frie oppslagsverket
Gå til: navigering, søk
Oldtidsriket Lydia låg i det noverande Tyrkia.

Lydia var eit oldtidsrike som låg nær byen Izmir i det som no er Tyrkia. Landet var også kjend som Mæonia, truleg eit elde namn som mellom anna er brukt av Homer.

Lydia blei grunnlagd om lag 700 f.kr. av Gyges og hadde stordomstida si 600 f.kr. På denne tida hadde Lydia ein blomstrande økonomi på grunn av ein godt utvikla administrasjon. Riket var blant dei første til å prega myntar i metall, og handelen med Hellas var livleg. Dei best kjente kongane var Krøsus og Alyattes. Lydia blei okkupert av Persia i 546 f.kr. under Kyros den store. Seinare låg riket under Makedonia og Romarriket.

Lydiarane var i slekt med hetittane. Det lydiske språket høyrde til den anatoliske greina av den indoeuropeiske språkfamilien. Etter kvart gjekk lydiarane opp i dei greske innvandrarane til landet.

Hovudstaden i Lydia var Sardis. Denne byen blei rekna som ein av dei vakraste i antikken. Mange bygningar frå det gamle Lydia finst endå, og er velkjende tyrkiske turistmål.

Landet har gjeve opphav til namnet Lydia.

Kjelder[endre | endre wikiteksten]