Ole Gillebo
| Ole Gillebo | |||
| Fødd | 16. desember 1858 Øyer kommune | ||
|---|---|---|---|
| Død | 4. februar 1936 (77 år) | ||
| Statsborgar av | Noreg | ||
| Parti | Venstre | ||
| Yrke | politikar | ||
| Alle verv |
| ||
Ole Torgersen Gillebo (16. desember 1858–4. februar 1936) var ein norsk bonde og ordførar frå Øyer i Oppland som var stortingsrepresentant for Venstre.
I yngre år gjekk Gillebo eit kurs på amtsskulen. Han dreiv så farsgarden frå 1884, var kommunestyremedlem frå 1887 og ordførar i Øyer frå 1896. Mellom mange kommunale verv var han formann i skulestyret. Kasserar i den lokale sparebanken frå 1894.
Han var 1898-1904 medlem av amtsskulestyret og 1902-10 av tilsynskomiteen for Hamar-Ottabanen. Styremedlem i Noregs Bank si avdeling Lillehammer frå 1903 til 1935.
Gillebo var vararepresentant til Stortinget 1895-97 og 1898-1900. Perioden 1904-06 representerte han amtet og partiet Venstre på Stortinget som i 1905 løyste opp unionen mellom Noreg og Sverige. For sitt bidrag i så måte vart han tildelt Medaljen for borgardåd, 7. juni-medaljen og Kong Haakon VIIs jubileumsmedalje 1905–30. Han hadde i stortingsperioden sete i gasje- og pensjonskomiteen.
Sonen, norskamerikanaren I.O. Gillebo ,laga ei klubbe som i 1949 vart gitt som gåve til Stortingspresidenten, og som framleis er i bruk.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Ole Gillebo NSD Norsk senter for forskningsdatas politikararkiv