Ole H. Langhammer

Frå Wikipedia – det frie oppslagsverket
Hopp til navigering Hopp til søk
Ole H. Langhammer
Ole Henriksen Langhammer, pre 1920.JPG
Fødd27. november 1868
Kvam i Nord-Trøndelag
Død17. september 1955
NasjonalitetNoreg
PartiSenterpartiet
Yrkepolitikar, bonde

Ole Henriksson Langhammer (27. november 186817. september 1955) var ein gardbrukar og politikar frå Kvam i Nord-Trøndelag. Han representerte BondepartietStortinget frå 1925 til 1933. Ole Five var morbror hans.

Langhammer var son til ein gardbrukar i Kvam. Knapt 20 år gammal tok han over farsgarden då faren døydde. Etter å ha gått morbroren sin amtsskole var Langhammer elev ved Mære landbruksskole, deretter gjekk han Underoffisersskolen for kavaleriet og Kavaleriets rideskole i Kristiania. Mellom 1890 og 1904 gjorde han også teneste som sersjant.

Langhammer var medlem av Kvam heradsstyre i mange år, ordførar 1909-10 og 1914-25, samt ei tid leiar i Nord-Trøndelag fylkesting. Han var i 1923 med på å stifte Norges Herredsforbund, formann for forbundet i 1945-46.

Etter å ha vore vararepresentant i tingbolken 1922-24, vart Langhammer hausten 1924 vald inn på Stortinget frå Nord-Trøndelag for Bondepartiet. Han hadde fast plass på Tinget i periodane 1925-27, 1928-30 og 1931-33. I den fyrste tingperioden var han medlem av kyrkje- og undervisningskomitéen, i den andre sekretær i vegkomitéen og i den tredje medlem av militærkomitéen. Stortingsperioden 1934-36 var han vararepresentant, møtte i staden for Ivar Kirkeby-Garstad i mai-juni 1935.

Kjelder[endre | endre wikiteksten]

Stortingsbiografi