Ole Jullum
| Ole Jullum | |||
| Fødd | 28. september 1829 Lånke kommune | ||
|---|---|---|---|
| Død | 8. februar 1906 (76 år) | ||
| Statsborgar av | Noreg | ||
| Parti | Venstre | ||
| Yrke | politikar, bonde, handelsmannn, lærar, lokalhistorikar, banksjef | ||
| Utdanna ved | Klæbu seminar | ||
| Medlem | Rene Venstre | ||
| Alle verv |
| ||
Ole Olsen Jullum (28. september 1829–6. februar 1906) var ein norsk lærar, kjøpmann og stortingsmann frå Leksdalen i Nord-Trøndelag.
Jullum var son til ein gardbrukar. Han vart seminarist frå Klæbu i 1851. Dei neste 13 åra var han lærar ved Kristiansunds høgare allmennskule. Sidan var han kjøpmann i byen fram til han gjekk konkurs i 1888.
Jullum var medlem av bystyret i Kristiansund frå 1867 til -88, frå 1876 sat han i formannskapet. Han var formann i Kristiansunds arbeiderforening i mange år, og medlem av komiteen som arbeidde for jarnbane gjennom Sunndalen. Jullum var mykje interessert i historie, og samla eit omfattande materiale til Nordmøre si historie.
Perioden 1883-85 var han Kristiansund sin representant på Stortinget. Han var då medlem av Lagtinget og av budsjettkomiteen, samt i 1883 av traktatkomiteen. I riksretten 1883-84 hadde han ikkje sete, då dei påklaga skaut han ut. Han var med i partiet Venstre frå det vart danna.
Jullum døydde på garden Edøy i Edøy herad, i dagens Smøla kommune, i 1906.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Haffner, Vilhelm (1949). Stortinget og statsrådet: med tillegg til Tallak Lindstøl: Stortinget og Statsraadet 1814-1914. Oslo: [Aschehoug]. s. 29.
- Biografisk informasjon om Ole Jullum NSD Norsk senter for forskningsdatas politikararkiv
- Ole Jullum frå Historisk befolkningsregister