Ole Mustad

Frå Wikipedia – det frie oppslagsverket
Hopp til navigering Hopp til søk

Ole Hovelsen Mustad (12. mars 181024. februar 1884) var ein norsk industripioner, lensmann og stortingsmann. Han var leiande i utviklinga av firmaet O. Mustad & Søn. Mustad var frå Vardal. Kristian Mustad var sonen hans.

Mustad var lensmann i Vardal frå 1834 til 1857. Han tok i 1843 over Brusveen Spiger- og Staaltraadfabrikk, grunnlagt av svigerfaren Hans Skikkelstad i 1832. Firmaet vart heitande O. Mustad. Fabrikken låg ved Hunnselva i Vardal. Mustad utvida drifta til å omfatte både støyperi og sagbruk, attåt den opphavlege produksjonen av ståltrad og spikar.

I 1874 vart sonen Hans Mustad medeigar, og firmanamnet vart endra til O. Mustad & Søn. Spikarproduksjonen vart flytta til Lysaker i Bærum i 1876. Fabrikken i Vardal spesialiserte seg frå då av på å lage fiskekrokar.[1][2] Selskapet vart verdas største produsent av fiskekrokar.[3]

Mustad representerte Kristians amtStortinget i 1854. Han var medlem av næringskomite nr 1. Også medlem av forlikskommisjonen og direktør i sparebanken.

Han døydde på Brusveen i Vardal, garden der han hadde budd sidan 1836.

Kjelde[endre | endre wikiteksten]

  • Lindstøl, Tallak:Stortinget og Statsraadet 1814-1914. Kristiania, 1914

Notar[endre | endre wikiteksten]

  1. Timeline - Mustad.no
  2. History - Mustad Eiendom
  3. «Mustad & Søn AS, O.». Aschehoug og Gyldendals Store norske leksikon. Kunnskapsforlaget. 2007.