Olga Kuzenkova

Frå Wikipedia – det frie oppslagsverket
Hopp til navigering Hopp til søk
Olga Kuzenkova
Fødd 4. oktober 1970
Smolensk
Yrke sleggekaster

Olga Sergejevna Kuzenkova (fødd 4. oktober 1970) er ein russisk tidlegare sleggjekastar frå Smolensk som vart europameister 2002 og olympisk meister i øvinga i 2004. Frå 2005 til -13 stod ho som verdsmeister i sleggjekast, eit resultat som då vart annullert. Ho var den fyrste kvinna som kasta meir enn 70 meter i sleggje.

Aktiv[endre | endre wikiteksten]

I 1997 vart Kuzenkova den fyrste kvinna som slengde sleggja forbi 70-metersmerket. Både ved europameisterskapen 1998 i Budapest, verdsmeisterskapen 1999 i Sevilla, og dei olympiske sommarleikane 2000 i Sydney og friidretts-VM 2001 i Edmonton vann ho sølvmedaljar. Dei to fyrste meisterskapane møtte ho si overkvinne i Mihaela Melinte frå Romania, deretter måtte ho sjå seg slått av høvesvis polske Kamila Skolimowska og kubanske Yipsi Moreno.

Etter eit lengstekast på 72,94 m tok Kuzenkova gullmedaljen heim frå friidretts-EM 2002 i München. Året vart det eit nytt VM-sølv, ettersom Yipsi Moreno forsvarte meistertittelen under VM 2003 i Paris. Under sommarleikane i Aten i 2004 fekk Kuzenkova opp eit kast som målte 75,02 m og vart med det OL-vinnar framom dei kubanske utøvarane Moreno og Yunaika Crawford.

Kuzenkova vart tildelt sleggje-gullet under friidretts-VM i Helsinki, ei avgjerd som vart omgjord åtte år seinare. I 2007 lukkast ho ikkje kvalifisere seg til VM-finalen, og då ho i OL-sesongen ikkje lukkast å kome med i den russiske OL-troppa til Beijing, la ho opp.

Kuzenkova sitt lengste sleggjekast målte 75,68 meter og vart prestert den 4. juni 2000 i Tula.

Doping[endre | endre wikiteksten]

I mars 2013 vart det funne spor etter ulovlege stoff då ei urinprøve frå 2005 vart retesta. Alle hennar resultat i ein toårsperiode frå 2005 vart annulllerte.

Medaljar og plasseringar i internasjonale meisterskap[endre | endre wikiteksten]

  • EM 1998 i Budapest: Sølvmedalje – 69,28 m, bak Mihaela Melinte (71,17 m)
  • VM 1999 i Sevilla: Sølvmedalje – 72,56 m, bak Mihaela Melinte (75,20 m)
  • OL 2000 i Sydney: Sølvmedalje – 69,77 m, bak Kamila Skolimowska (71,16 m)
  • VM 2001 i Edmonton: Sølvmedalje – 70,61 m, bak Yipsi Moreno (70,65 m)
  • EM 2002 i München: Gullmedalje – 72,94 m, framom Kamila Skolimowska (72,46 m)
  • VM i 2003 i Paris: Sølvmedalje – 71,71 m, bak Yipsi Moreno (71,33 m)
  • OL 2004 i Aten: Gullmedalje – 75,02 m, framom Yipsi Moreno (73,36)
  • VM i 2005 i Helsinki: Nr 1 - 75,10 m (annullert 2013)
  • VM 2007 i Osaka: Utslått i kvalifiseringa (nr 22 – 66,56 m)

Kjelder[endre | endre wikiteksten]