Oluf Johanssen

Frå Wikipedia – det frie oppslagsverket
Hopp til navigering Hopp til søk
Oluf Johanssen
Fødd24. mai 1849
Død26. mai 1908
NasjonalitetNoreg
Yrkepolitikar

Oluf Christian Johanssen (24. mai 184926. mai 1908) var ein norsk bandvevar og -fabrikant frå Trondheim som var stortingsmann for Venstre.

Johanssen var son til ein sjømann. Sjølv vart han utlært til bakar og dreiv eige bakeri i heimbyen frå 1869 til -71. Deretter tok han seg arbeid som bandvevar, eit arbeid han hadde til 1884. Dei neste åra var han medlem av den kongelege arbeidarkommisjonen. I 1889 slo han seg ned i Porsgrunn, der han starta opp Porsgrunns bandfabrikk, som han sidan dreiv til han døydde. Han var elles medlem av formannskapet i Porsgrunn og av riksforsikringa sin appellkommisjon.

Johanssen representerte Porsgrunn på Stortinget 1900-03. Han var medlem av tollkomiteen, bortsett frå oktober 1901 til januar 1902, då han var medlem av sosialkomiteen. Delar av 1901-sesjonen hadde han forfall grunna sjukdom i familien.

Han døydde i Porsgrunn i 1908.

Kjelder[endre | endre wikiteksten]