On a Sunday
| «On a Sunday» Song av Ester Peony | ||
| Land | Romania | |
| Språk | Engelsk | |
| Utgjeve | 17. januar 2019 | |
| Sjanger | Elektropop | |
| Lengd | 03:01 | |
| Selskap | Eige merke | |
| Låtskrivar(ar) | Ioana Victoria Badea | |
|---|---|---|
«On a Sunday» ('på ein sundag') er ein engelskspråkleg popsong frå 2019 med den rumenske songaren Ester Peony. Songen er skriven av Ioana Victoria Badea og var det rumenske bidraget til Eurovision Song Contest 2019, etter at han vann den rumenske songtevlinga Selecția Națională i februar 2019.
Bakgrunn[endre | endre wikiteksten]
«On a Sunday» er skriven av Ioana Victoria Badea og vart send inn til den rumenske kringkastaren TVR i samband med songtevlinga Selecția Națională. Tevlinga er det rumenske uttakinga til Eurovision Song Contest 2019, og «On a Sunday» var blant dei 24 bidraga som vart valde ut til å delta i tevlinga.[1][2] Songen deltok i andre semifinalen av Selecția Națională 10. februar 2019 og kvalifiserte seg til finalen.[3][4] I finalen veka etter vart «On a Sunday» kåra til vinnar med 65 poeng. 62 av poenga kom frå dei ulike juryane, medan berre 3 poeng kom frå telefonavrøystinga. Gjennom sigeren vart «On a Sunday» vald til det rumenske bidraget i Eurovision Song Contest 2019.
I etterkant av finalen kom det kritikk mot juryordninga og enkelte av jurymedlemmane i den rumenske finalen. Kritikken nådde òg det rumenske parlamentet og gjekk blant anna på at «On a Sunday» berre kom på åttandeplass i telefonavrøystinga, men vann tevlinga likevel.[5][6] Songen vart òg skulda for å vere eit plagiat, men den rumenske kringkastaren tilbakeviste seinare desse påstandane.[7]
Eurovision Song Contest[endre | endre wikiteksten]
I januar 2019 vart Romania trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Romania hadde startnummer 6.[8] «On a Sunday» vart nummer 13 i sin semifinale og kvalifiserte seg dimed ikkje til finalen laurdag 18. mai.[9]
Kjelder[endre | endre wikiteksten]
- ↑ Lisandru, Cristian (13. november 2018). «Când începe Eurovision România 2019?» [When does Eurovision Romania 2019 set off]. Cancan. Arkivert frå originalen den 4. januar 2019. Henta 4. januar 2019.
- ↑ Constanda, Alexandra (20. desember 2018). «Cine sunt semifinaliştii Eurovision România 2019: Dan Bittman, Nicola şi Mihai Trăistariu, printre concurenţi» [Who are the semi-finalists for the Romanian 2019 national selection: Dan Bittman, Nicola and Mihai Trăistariu among the participants]. Adevărul (på rumensk). Arkivert frå originalen den 4. januar 2019. Henta 4. januar 2019.
- ↑ «A doua semifinală Eurovision 2019. Laura Bretan s-a calificat în marea finală!» [The second Selectia Nationala semi-final. Laura Bretan has qualified for the Grand Final!]. Click! (på rumensk). 10. februar 2019. Arkivert frå originalen den 19. februar 2019. Henta 18. februar 2019.
- ↑ «Rezultate - Semifinale - Eurovision 2019». TVR. 15. mars 2019. Arkivert frå originalen den 18. mars 2019. Henta 18. mars 2019.
- ↑ Lisandru, Cristian (18. februar 2019). «Surpriza uriasa! Ester Peony a castigat Finala Selectei Nationale pentru Eurovision 2019» [Great surprise! Ester Peony has won the Final of the Romanian National Selection for Eurovision 2019]. Cancan (på Romanian). Arkivert frå originalen den 19. februar 2019. Henta 18. februar 2019.
- ↑ «Reacții controversate după ce Ester Peony a câștigat finala națională Eurovision 2019» [Controversy after Ester Peony won the Romanian National Selection for Eurovision 2019]. Libertatea (på Romanian). 17. februar 2019. Arkivert frå originalen den 18. februar 2019. Henta 18. februar 2019.
- ↑ Granger, Anthony (19. mars 2019). «Romania: Ester Peony Received 356 Televotes in the Final of Selectia Nationala 2019» (på engelsk). Henta 7. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». 16. mai 2019. Henta 17. mai 2019.
- Denne artikkelen bygger på «On a Sunday» frå Wikipedia på bokmål, den 25. desember 2021.