Oskar Hasselknippe

Oskar Hasselknippe
Statsborgarskap	Noreg
Fødd	18. januar 1911
Død	4. juli 2001 (90 år)
Yrke	journalist, redaktør, flygar
Språk	norsk

Oskar Hasselknippe (fødd 18. januar 1911 på Biri, daud 4. juli 2001) var ein norsk pressemann og motstandsmann. Han er mest kjend som ansvarleg redaktør i Verdens Gang frå 1953 til han gjekk av med pensjon i 1978. Han er den lengstsittande redaktøren i historia til avisa.

Hasselknippe starta sin journalistiske karriere i avisa Velgeren på Gjøvik i 1931. Seinare jobba han i Ringerikes Blad der han var redaksjonssekretær ved krigsutbrotet i 1940. Han byrja i Verdens Gang ved oppstarten i 1945. Han var reportasjesjef før han vart ansvarleg redaktør. Som pressemann var han svært oppteken av teknologiske nyvinningar. Dette kom til uttrykk både i VG-spaltene og ved den produksjonsmessige utviklinga i avisa. Han stod i spissen for avisa då ho la om til tabloidformat i 1963.

Under andre verdskrigen var Hasselknippe distriktssjef for Milorg på Ringerike, Hadeland og Hallingdal. Han hadde militær bakgrunn frå Luftforsvaret, der han var kaptein.

Bibliografi

• Olav Selvaag – Mannen med idéene (biografi 1982)
• Slik ble VG til (1985)

Kjelder

• Denne artikkelen bygger på «Oskar Hasselknippe» frå Wikipedia på bokmål, den 5. oktober 2018.

Bakgrunnsstoff

• Oskar Hasselknippe i Norsk biografisk leksikon
• Oskar Hasséelknippe i Lokalhistoriewiki
• Nekrolog i VG