Oslomet – storbyuniversitetet
| Oslomet – storbyuniversitetet | |||
 | |||
 | |||
| Grunnlagt | 12. januar 2018 | ||
|---|---|---|---|
| Type | Universitet | ||
| Rektor | Christen Krogh | ||
| Prorektor | Silje Fekjær Tanja Storsul Carl Thodesen | ||
| Stad | Oslo kommune, Akershus fylke | ||
| Studentar | 20 000 | ||
| Tilsette | 2 100 | ||
| Medlemskap | European University Association, ORCID, Coalition for Advancing Research Assessment, EBLIDA, Universitets- og høgskolerådet | ||
| Org.nummer | 997058925 | ||
| Nettstad | http://www.oslomet.no | ||
| Erstattar | Høgskolen i Oslo og Akershus, Sosialhøyskolen i Oslo | ||
 Oslomet – storbyuniversitetet 59°55′19″N 10°44′00″E / 59.92186944°N 10.73340556°E | |||
Oslomet – storbyuniversitetet (tidlegare Høgskulen i Oslo og Akershus) er eit norsk statleg universitet med studiestadar i Oslo og på Kjeller i kommunane Oslo og Lillestrøm, og med kring 1 400 akademisk tilsette, kring 20 000 studentar og kring 800 teknisk-administrativt tilsette. Høgskulen i Oslo og Akershus var tidlegare den største høgskulen i Noreg og fekk status som universitet i 2018. Språkrådet tilrår skrivemåten Oslomet – storbyuniversitetet på nynorsk og bokmål.[1][2]
Historie
[endre | endre wikiteksten]Styra ved Høgskolen i Oslo og Høgskolen i Akershus vedtok 9. desember 2010 å slå dei to institusjonane saman. Opprettinga av Høgskolen i Oslo og Akershus (HiOA) vart vedtatt i statsråd 21. januar 2011. Den nye høgskulen blei offisielt opna 1. august same året.
I 2014 og 2016 vart dei tidlegare sjølvstendige statlege forskingsinstitutta Arbeidsforskningsinstituttet, Norsk institutt for forskning om oppvekst, velferd og aldring, Norsk institutt for by- og regionforskning og Statens institutt for forbruksforskning slått saman med HIOA i ei eiga eining, Senter for velferds- og arbeidslivsforskning (SVA).[3]
Universitetsakkreditering
[endre | endre wikiteksten]HiOA leverte 22. februar 2017 søknad om universitetsakkreditering til NOKUT, med mål om å oppnå universitetsstatus innan kort tid.[4] HiOA sende den endelege søknaden til Kunnskapsdepartementet 15. desember 2017, etter at NOKUT hadde konkludert med at institusjonen oppfylte vilkåra for universitetsstatus. 12. januar 2018 vedtok regjeringa å tildele høgskulen universitetsstatus gjeldande frå same dag.[5]
Namn
[endre | endre wikiteksten]Den dåverande høgskulen gjennomførte ein lengre prosess om namneval ved vellykka universitetssøknad, der namna Aker universitet, Nova universitet og Profesjonsuniversitetet var dei opphavlege finalistane. Seinare vart namnet «OsloMet – storbyuniversitetet» lansert av rektor Curt Rice, og høgskulestyret vedtok å foreslå dette namnet med denne skrivemåten overfor Kunnskapsdepartementet med knappast mogleg fleirtal (6 mot 5).[6] Namnet vart kritisert av Språkrådet og andre.[7] 18. januar 2018 uttalte Språkrådet at den korrekte skrivemåten for namnet etter offisiell rettskriving er «Oslomet – storbyuniversitetet», og tilrådde alle å bruka denne skrivemåten. Namnet er skrive slik i den offisielle lista over namn på statsorgan.[8][9][10] Språkdirektør Åse Wetås uttalte at «det er i strid med norske rettskrivingsreglar med store bokstavar midt i ord eller namn. Oslomet er ein statleg institusjon som skal følgja rettskrivingsreglar».[10] Språkrådet presiserte at offentleg tilsette er forplikta til å skriva namnet Oslomet – storbyuniversitetet i tråd med offisiell rettskriving som fastsett av Språkrådet.[11] I 2019 la kulturminister Trine Skei Grande fram forslag til ny språklov som gav Språkrådet styresmakt til å forby uheldige namn på statlege organ, og nemnde Oslomet som døme i media. Kulturministeren uttalte at «statsorgan må følgja norske rettskrivingsreglar» og at ho «håpar å setja ein standard»; ho presiserte at lova ikkje vil få tilbakeverkande kraft for institusjonar som Oslomet, men at det «går jo an å tenkja seg om ein gong til».[12][13] Prop. 108 L uttalte at det i gjeldande rett «må reknast som ein bindande føresetnad at namn på statlege institusjonar skal følgja offisielle rettskrivings- og skrivereglar».[14] I språklova som tredde i kraft i 2022 fastslår § 19 at det er Språkrådet som forvaltar den offisielle rettskrivinga for bokmål og nynorsk, medan § 10 fastslår at «offentlege organ skal følgja den offisielle rettskrivinga for bokmål og nynorsk» og vidare at også namnet til institusjonane «skal følgja offisiell rettskriving».[15] Dette inneber at Oslomet og andre offentlege verksemder er lovpålagt å skriva namnet Oslomet med liten «m» fordi denne rettskrivinga er fastsett av Språkrådet i medhald av lova.[16] Ein leiarartikkel i Aftenposten i 2021 påpeika at «framleis bruker institusjonen sjølv skrivemåten OsloMet, i strid med norske rettskrivingsreglar. Dette liknar logospråk av typen ’iPhone’ eller ’WhatsApp’».[17] I 2022 uttalte språkdirektør Åse Wetås at namnet Oslomet ikkje ville vorte godkjend etter at språklova tredde i kraft fordi det ikkje oppfyller kvalitetskravet i lova til gode norske namn.[18]
Plassering
[endre | endre wikiteksten]Oslomet har to studiestader: Studiestad Pilestredet (Frydenlund, Pilestredet park og Holbergs plass) og studiestad Kjeller.[19] Frå 2014 til 2021 hadde dei også studiestad i Sandvika (Kunnskapssenteret i Sandvika).[20]
Studietilbod
[endre | endre wikiteksten]Dei fleste av studietilboda ved høgskulen er profesjonsutdanningar. Høgskolen har halvårs- og årsstudium, over 50 bachelorstudium, 25 masterstudium og ei rekke etter- og vidareutdanningstilbod. I tillegg har Oslomet fem doktorgradsprogram og eit førstelektorprogram.[21]
Organisering
[endre | endre wikiteksten]Universitetet har 4 fakultet med i alt 20 institutt.
- Fakultet for helsefag
- Institutt for åtferdsvitskap
- Institutt for rehabiliteringsvitskap og helseteknologi
- Institutt for naturvitskaplege helsefag
- Institutt for sjukepleie og helsefremjande arbeid
- Fakultet for lærarutdanning og internasjonale studium
- Institutt for barnehagelærarutdanning
- Institutt for grunnskole- og faglærarutdanning
- Institutt for internasjonale studium og tolkeutdanning
- Institutt for yrkesfaglærarutdanning
- Nasjonalt senter for flerkulturell opplæring (NAFO)
- Fakultet for samfunnsvitskap
- Institutt for arkiv-, bibliotek- og informasjonsfag
- Institutt for journalistikk og mediefag
- Institutt for sosialfag
- Handelshøgskolen
- Kompetansesenter for arbeidsinkludering (KAI)
- Fakultet for teknologi, kunst og design
- Institutt for bygg- og energiteknikk
- Institutt for estetiske fag
- Institutt for maskin, elektronikk og kjemi
- Institutt for informasjonsteknologi
- Institutt for produktdesign
I tillegg finst det fleire forskingsinstitutt og senter som ikkje høyrer under fakulteta:
- Senter for profesjonsforskning (SPS)
- Senter for velferds- og arbeidslivsforskning
- Arbeidsforskningsinstituttet AFI
- By- og regionforskningsinstituttet NIBR
- Forbruksforskningsinstituttet SIFO
- Velferdsforskningsinstituttet NOVA
Rektorar
[endre | endre wikiteksten]Kari Toverud Jensen var fyrste rektor ved den sammenslåtte Høgskolen i Oslo og Akershus 2011–2015. Curt Rice vart tilsett på åremål som rektor ved HiOA/Oslomet for perioden 2015–2019,[22] og fekk fornya dette frå 2019 fram til 2023.[23] I 2021 sa Rice opp midt i perioden for å bli rektor ved NMBU og Nina Waaler var fungerande rektor frå 1. august fram til 1. mars 2022.[24] Då tiltredde nytilsett rektor Christen Krogh i ei åremålsstilling fram til 2027.[24]
Universitetsleiinga omfattar i tillegg til rektor tre prorektorar: prorektor for utdanning, prorektor for forsking og utvikling, og prorektor for samfunnsforbedringar og samarbeid.[25]
Kjelder
[endre | endre wikiteksten]- ↑ «Skrivemåten av universitetsnamnet Oslomet – storbyuniversitetet», 18. januar 2018, Språkrådet
- ↑ «Høgskolen i Oslo og Akershus og SIFO slår seg sammen». Regjeringen. 24. september 2015. Henta 18. desember 2015.
- ↑ Fimland, Øystein; Eriksen, Siri Ø (2017-02-22). «Først i køen for å bli universitet». khrono.no (på norsk bokmål). Henta 2021-08-16.
- ↑ «OsloMet er Norges nye universitet - HiOA». www.hioa.no (på norsk). Arkivert frå originalen 2018-01-12. Henta 2018-01-12.
{{cite web}}: Invalid|url-status=død(hjelp) - ↑ Tønnessen, Eva; Larsen, Hege; Lie, Tove; Fimland, Øystein (2017-12-15). «6-5 for OsloMet i høgskolestyret». khrono.no (på norsk bokmål). Henta 2021-08-16.
- ↑ «Slakter navnet OsloMet: – Det er et universitet, ikke en kafé». www.forskerforum.no (på norsk bokmål). 2017-12-15. Henta 2021-08-16. «Navneforslaget til det nye universitetet i Oslo får hard medfart. – Det får være grenser for å være fiffig, sier Finn-Erik Vinje. | – Det synes jeg var ytterst dårlig. De burde funnet på noe bedre, sier professor emeritus i nordisk Finn-Erik Vinje. | Høgskolen i Oslo og Akershus ligger an til å bli universitet. I dag skal høyskolens styre etter planen avgjøre det nye navnet. Rektor Curt Rice har bare kommet med ett navneforslag til styret. Det er «OsloMet – Storbyuniversitetet» på bokmål og nynorsk. På engelsk blir det «OsloMet – Oslo Metropolitan University».»
- ↑ «Navn på statsorganer». Språkrådet. Henta 2021-08-18.
- ↑ «Språkrådet anbefaler en annen skrivemåte enn OsloMet - Uniforum». www.uniforum.uio.no (på norsk). Uniforum. 2018-02-09. Henta 2021-08-16.
- 1 2 Lindholm, Anne; Lie, Tove (2018-02-08). «Språkrådet mener at navnet skal skrives Oslomet». khrono.no (på norsk bokmål). Henta 2021-08-16.
- ↑ Mikkelsen, Solveig (2018-02-27). «- Oslomet er et mye bedre navn enn HiOA». www.universitetsavisa.no (på norsk bokmål). Henta 2021-08-16.
- ↑ «Kulturministeren vil ha slutt på navn som Oslo Met, Vy og Bane Nor». www.aftenposten.no (på norsk bokmål). 2019-08-23. Henta 2021-08-16. «Språkrådet kan få myndighet til å forby navn på statlige organer, hvis navnene er uten mening. Kulturminister Trine Skei Grande (V) mener det er udemokratisk om folk ikke skjønner hva disse organene driver med.»
- ↑ Fimland, Øystein (2019-08-23). «Ny språklov på høring, navn som OsloMet kan bli forbudt». khrono.no (på norsk bokmål). Henta 2021-08-16.
- ↑ Kulturdepartementet. «Prop. 108 L (2019–2020) Lov om språk (språklova)» (PDF). Proposisjon til Stortinget (forslag til lovvedtak) – via regjeringen.no.
- ↑ Lov om språk
- ↑ «Navn på statsorganer». Språkrådet. Henta 2021-08-18.
- ↑ «Aftenposten mener: Skriv norsk!». Henta 2023-09-27.
- ↑ «Språkdirektør (og vestlending) Åse Wetås: Oslo har lav språklig selvtillit». Henta 2022-09-21.
- ↑ «Våre studiestader», www.oslomet.no (på norsk), OsloMet-storbyuniversitetet, henta 2025-08-17
- ↑ Tønnessen, Eva; Larsen, Hege (2019-01-09), «OsloMet kutter ut Sandvika», www.khrono.no (på norsk bokmål), henta 2025-08-17
- ↑ Mer om HiOA, arkivert frå originalen 2011-10-02, henta 2011-10-01
{{citation}}: Invalid|url-status=yes(hjelp) - ↑ Tove Lie, Øystein Fimland, Hege Larsen (24.03.2015). «Curt Rice ny rektor ved HiOA». Universitetsavisa. Arkivert frå originalen 2017-03-09. Henta 2017-03-08.
{{cite web}}: Check date values in:|dato=(hjelp); Invalid|url-status=død(hjelp) - ↑ Lie, Tove; Tønnessen, Eva (2018-10-25). «Rice får fire nye år på OsloMet». khrono.no (på norsk bokmål). Henta 2021-08-16.
- 1 2 «OsloMet – storbyuniversitetet - Christen Krogh blir ny OsloMet-rektor», ansatt.oslomet.no (på norsk bokmål), 2021-12-08, henta 2025-08-17
- ↑ OsloMet-storbyuniversitetet, «Ledelsen», www.oslomet.no (på norsk), henta 2025-08-17
