P.W. Botha

P.W. Botha
Fødd	12. januar 1916 Paul Roux
Død	31. oktober 2006 (90 år)
Statsborgar av	Sør-Afrika
Parti	Nasjonalistpartiet
Yrke	politikar
Utdanna ved	University of the Free State Bethlehem Voortrekker High School
Mor	Hendrina Christina de Wet
Far	Pieter Willem Botha
Ektefelle	Anna Elizabeth Botha

Pieter Willem Botha (12. januar 1916–31. oktober 2006), til vanleg omtala P.W. Botha, var statsleiar i Sør-Afrika frå 1978 til 1989. Han var statsminister frå 1978 til 1984 og frå 1984 til -89 den fyrste presidenten i landet med utøvande makt.

Botha vart vald inn i nasjonalforsamlinga i 1948, der han markerte seg som ein skarp motstandar av fleirtalsstyre. Han kom til makta etter omfattande demonstrasjonar mot apartheid-politikken. Enkelte små politiske reformer stagga det svarte folkefleirtalet lite, og Botha vidareførte eit hardstyre der regjeringa og andre statsmakter gjorde seg skuldige i vald mot menneskerettane. Etter eit slagtilfelle trekte Botha seg som leiar av Nasjonalistpartiet i februar 1989. Seks månader seinare vart han også tvinga til å forlate presidentstolen.

Ved 1992-valet gjekk Botha mot etterfylgjaren, president F.W. de Klerk, og dreiv valkamp for framhaldande apartheid-styre. Han fordømde De Klerk-regjeringa som uansvarleg ved å opne døra til fleirtalsstyre. I 1998 nekta Botha å vitne til Sannings-kommisjonen, noko han vart bøtelagd for og dømd til betinga fengsel for brot på menneskerettane.

Kjelder

• Denne artikkelen bygger på «P. W. Botha» frå Wikipedia på engelsk, den 22. november 2018.