Pangéo

Pangéo Παγγαίο
fjell
Eit snødekt Pangéo sett frå Fílippi
Land	Hellas
Område	Kavála og Sérres
Høgd	1 954 moh.
Koordinatar	40°55′N 24°05′E
Pangéo 40.899166666667°N 24.083611111111°E / 40.899166666667; 24.083611111111
Wikimedia Commons: Pangaion

Pangéo (gresk Παγγαίο) er eit fjell i Hellas. I antikken vart fjellet kalla Pangaeon eller Pangaeum og av Homer Nysa. Det ligg om lag 40 km frå Kavála og har ei høgd på 1 956 moh. Namnet på sjølve toppen heiter Máti, som tyder «auge». Egearhavet og sletta frå Fílippi til Dráma ligg i nord.

Fjellet dekkjer dei søraustlege områda av periferieininga Sérres, og dei nordvestlege områda av Kavála. Fjellet ligg like ovanfor sletta som den antikke byen Fílippi ligg på, mellom elvane Strymónas (Struma) og Xiropótamos.

Av landsbyar i fjella finn ein Nikísiani og Paleokhóri, som hovudsakleg lever av jordbruk, som korn og tobakk.

Gull og sølv vart grave ut av fjellet i antikken. Den athenske tyrannen Pisistratos var i eksil i fjella. Utsiktene etter gull gjorde at Aten oppretta ein koloni her rundt 465 fvt., men trakarane massakrerte kolonistane og kolonien vart forlaten.

Kjelder

• Denne artikkelen er basert på ei omsetjing av artikkelen Pangaion hills frå Engelsk Wikipedia .