Paralyzed av Elvis Presley
Paralyzed Song av Elvis Presley frå albumet Elvis | ||
Utgjeve | 19. oktober 1956 | |
Innspelt | 2. september 1956 | |
Sjanger | Rock and roll | |
Lengd | 2:18 | |
Selskap | RCA Victor | |
Komponist | Otis Blackwell, Elvis Presley | |
Låtskrivar(ar) | Otis Blackwell, Elvis Presley |
---|
«Paralyzed» er ein song frå 1956 av Elvis Presley for albumet Elvis. Songen vart spelt inn 2. september 1956 og har fått mykje god omtale av moderne musikkritikarar.[1] Songen vart hovudsakleg skriven av Otis Blackwell, men Elvis vart oppført som låtskrivar for bidraga sine til den endelege songen. Det var sjeldan Elvis Presley vart oppført som låtskrivar, men stundom omarbeidde han songane nok til at dette skjedde.
Lister[endre | endre wikiteksten]
«Paralyzed» nådde 59. plassen på Billboard pop-lista i 1956. Songen vart gjeven ut på ein EP i USA kalla Elvis Volume 1 den 19. oktober 1956.
I Storbritanna nådde «Paralyzed» 8. plassen i august 1957 og låg ti veker inne på lista.[2]
Album[endre | endre wikiteksten]
Elvis Presley framførte songen 1956 under Million Dollar Quartet-innspelinga og på konsertar i 1956. Eit konsertopptak finst i plateboksen The Young Man with the Big Beat og på samleplatene The Million Dollar Quartet og The Complete Million Dollar Quartet. Songen vart framført 16. desember 1956 på Louisiana Hayride.[3]
Medverkande[endre | endre wikiteksten]
Songen vart spelt inn i Radio Recorders i Hollywood i California, og var produsert av Steve Sholes med lydteknikaren av Thorne Nogar.
Musikarar:
- Gitar: Elvis Presley
- Gitar: Scotty Moore
- Bass: Bill Black
- Drums: D.J. Fontana
- Piano: Elvis Presley
- Korvokal: The Jordanaires: Gordon Stoker; Neal Matthews; Hoyt Hawkins; Hugh Jarrett
Andre innspelingar[endre | endre wikiteksten]
Dave Edmunds spelte inn songen i 1986 på konsertalbumet I Hear You Rockin'.[4] Ronnie McDowell, Graham Parker, Johnny Earl and The Jordanaires, Alan Merrill og Billy Fury har òg spelt inn songen.[5]
Kjelder[endre | endre wikiteksten]
- ↑ Elvis Collectors. Joey Kent interview: "... nice gems like 'Paralyzed' ...".
- ↑ Song artist 1 - Elvis Presley.Tsort.org.
- ↑ Elvis Collectors.
- ↑ Poore, Billy (1998). Rockabilly: A Forty-Year Journey. Hal Leonard Corporation. s. 229. ISBN 9780793591428. Henta November 22, 2011.
- ↑ Paralyzed. Second Hand Songs.
- Denne artikkelen bygger på «Paralyzed av Elvis Presley» frå Wikipedia på engelsk, den 30. september 2016.
- Wikipedia på engelsk oppgav desse kjeldene:
- Victor, Adam. The Elvis Encyclopedia. Overlook Duckworth; 2008. ISBN 1-58567-598-9.
- Wadey, Paul. «Jake Hess». The Independent. 8. januar 2004 [cited 28. desember 2009].
- Warwick, Neil; Kutner, Jon; Brown, Tony. The Complete Book of the British Charts: Singles & Albums. 3rd ed. Omnibus Press; 2004. ISBN 1-84449-058-0.
- Waters, Lindsay. «Come Softly, Darling, Hear What I Say: Listening in a State of Distraction—A Tribute to the Work of Walter Benjamin, Elvis Presley, and Robert Christgau». Boundary 2. Spring 2003.
- Whitburn, Joel. Billboard Top 1000 Singles 1955–1992. Billboard Books; 1993. ISBN 0-7935-2072-X.
- Whitburn, Joel. The Billboard Book of Top 40 Hits. 8th ed. Billboard Books; 2004. ISBN 0-8230-7499-4