Partiet Konservativt

Frå Wikipedia – det frie oppslagsverket
(Omdirigert frå Partiet Dei Kristne)
«Dei Kristne» omdirigerer hit. For folk som vedkjenner seg kristendommen, sjå kristne.
Konservativt
Partiet Dei Kristne.svg
IdeologiKristenkonservatisme
Oppretta2011
PartileiarErik Selle
UngdomsorganisasjonDei Kristnes Ungdom
Nettstaddekristne.no
Den tidlegare logoen til partiet.

Konservativt, tidlegare Partiet Dei Kristne, er eit norsk politisk parti som vart stifta i 2011 på Bømlo i Hordaland. Konservativt byggjer på eit kristenkonservativt verdigrunnlag.

Namn[endre | endre wikiteksten]

Opphavleg heitte partiet Dei Kristne. I 2015 endra det namn til Partiet Dei Kristne.[1] I 2022 endra det namnet att til Konservativt.[2]

Historie[endre | endre wikiteksten]

Partiet vart stifta som ein reaksjon på at Kristeleg Folkeparti, ifølgje initiativtakarane, hadde gradvis fjerna seg frå dei tradisjonelle kristne verdiane. Den utløysande faktoren var at sentrale krefter i KrF ønskte å fjerne «bekjennelsesparagrafen» for tillitsvalde.

Partiet ville løfte fram det livslange, monogame ekteskapet mellom éin mann og éi kvinne som norm og ideal.[3] Partiet gav heilhjarta støtte til staten Israel. Retten til liv frå fræving til naturleg død er også ein av hjartesakene til partiet.

Partileiar frå 2013 er Erik Selle. Partiet fekk i 2015 eigen ungdomsorganisasjon, Dei Kristnes Ungdom. Leiaren er Olympia Ahenkorah frå Oslo.

Ved stortingsvalet i 2013 røysta omkring 17 700 veljarar på partiet (0,6 prosent). Størst var oppslutnaden i Vest-Agder (2,0 prosent). Ved kommunestyrevalet i 2015 stilte partiet liste i 70 kommunar. Ved stortingsvalet i 2017 stilte partiet liste i alle fylka og fekk omkring 8700 røyster (0,3 prosent).[1]

Kjelder[endre | endre wikiteksten]

  1. 1,0 1,1 Garvik, Olav (15. september 2021). «Partiet De Kristne». Store norske leksikon (på norsk bokmål). 
  2. Redaksjonen (5. november 2022), «Partiet De Kristne bytter navn til konservativt», Partiet De Kristne (på norsk bokmål), henta 6. november 2022 
  3. Bergen, Anne-Margrethe Lorentzen, 1 kandidat Partiet De Kristne (14. september 2015), «Ekteskap og familie», Dagen (på norsk bokmål), henta 6. november 2022 

Bakgrunnsstoff[endre | endre wikiteksten]