Hopp til innhald

Patrick Doyle

Frå Wikipedia – det frie oppslagsverket
Patrick Doyle

Fødd6. april 1953 (71 år)
FødestadSouth Lanarkshire
FødenamnPatrick Alan Doyle
OpphavStorbritannia
Aktiv1978–
SjangerFilmmusikk
Verka somkomponist, filmmusikkomponist, filmskodespelar
BornPatrick Neil Doyle

Patrick Doyle (fødd 6. april 1953) er ein skotsk komponist og tidvis også skodespelar som er best kjend for filmmusikken sin.[1] Gjennom sin 50 år lange karriere innan film, TV og teater har han komponert musikk til over 60 spelefilmar.[2] Doyle er kjent for arbeidet med filmar som Henry V, Sense and Sensibility, Hamlet, Carlito's Way, Quest for Camelot og Gosford Park, og for Harry Potter and the Goblet of Fire, Rise of the Planet of the Apes, Thor, Brave, Cinderella, Murder on the Orient Express og Death on the Nile.[3]

Han har skrive musikk for mange kjende regissørar som Robert Altman, Ang Lee, Alfonso Cuarón, Mike Newell, Brian De Palma, Chen Kaige, Amma Asante, Régis Wargnier og Kenneth Branagh.

Doyle er blitt nominert til to oscarprisar og to Golden Globe-prisar,[3] ein BAFTA og to Caesar-prisar, og han vann Ivor Novello-prisen for Best Film Theme, for Henry V. Han har vunne Lifetime Achievement Award frå både World Soundtrack Awards[4] og Scottish BAFTA, PRS-prisen for Extraordinary Achievement in Music og vann ASCAP Henry Mancini-prisen for «framifrå prestasjonar og bidrag til film- og TV-musikk».[5]

Liv og virke

[endre | endre wikiteksten]

Bakgrunn

[endre | endre wikiteksten]

Patrick Doyle blei fødd i Uddingston i South Lanarkshire i Skottland.[6][7] Han er ein klassisk opplært komponist som studerte ved Royal Scottish Academy of Music og fullførte diplomet sitt i 1975.

Film- og fjernsynskarriere

[endre | endre wikiteksten]

Patrick Doyle byrja karrieren sin som skodespelar midt på 1970-talet, og spelte både i TV og film.[8] Den fyrste TV-rolla hans var som Archie i ein episode av BBC-serien Scene i 1978. I 1981 spelte han rolla som Jimmie i BAFTA- og Academy Award vinnande historiske sportsdramafilm Chariots of Fire.[9] Same året hadde han ei leiande rolle som Alexander Smith i det skotske TV-dramaprogrammet Maggie, som blei sendt i to seriar på BBC Two.[10] Frå 1982 til 1983 spelte han rolla som Percy Simmonds/Alec Simmonds i ITV-barneserien No. 73.[11][12] Andre roller inkluderer Balthazar i den romantiske komediefilmen Much Ado About Nothing frå 1993, og Amiens i den romantiske dramafilmen As You Like It frå 2006. Begge var filmatiseringar av skodespel av William Shakespeare regissert av Kenneth Branagh.[8]

Doyle blei medlem av Kenneth Branagh sitt Renaissance Theatre Company i 1987 som komponist og musikalsk direktør, og komponerte musikk for skodespel som Hamlet, As You Like It og Look Back in Anger.[13] Det var her han etablerte sitt samband med Kenneth Branagh, og skreiv musikk for den fyrste filmen sin, Henry V, i 1989.[14] Musikken blei dirigert av sir Simon Rattle. Songen «Non Nobis, Domine» frå Henry V vann Ivor Novello Award for Best Film Theme i 1989.[15] Doyle har sidan komponert musikk for 14 andre Branagh-filmar, inkludert Dead Again (1991), Much Ado About Nothing (1993), Mary Shelley's Frankenstein (1994), Hamlet (1996), Love's Labour's Lost (2000), As You Like It (2006), Sleuth (2007), Thor (2011), Jack Ryan: Shadow Recruit (2014), Cinderella (2015), Murder on the Orient Express (2017), Artemis Fowl (2020) og Death on the Nile (2022).

I oktober 1997, kort tid etter at han hadde komponert musikk til Great Expectations, som var regissert av Alfonso Cuarón, blei Doyle diagnostisert med leukemi. Han klarte å skriva ferdig musikken til den animert fantasyfilmen Quest for Camelot (1998) på sjukehuset medan han fekk behandling, og blei til slutt heilt frisk.[16]

Andre filmar han skreiv musikk til på 1990-talet er blitt kult-gangsterklassikarar, som Carlito's Way (1993) av Brian De Palma og Donnie Brasco (1997) av Mike Newell.

På 2000-talet komponerte Doyle musikk til kjende britiske filmar som Bridget Jones' Diary (2001), Gosford Park (2001) og Calendar Girls (2003).

Han samarbeidde med Mike Newell att om Harry Potter and the Goblet of Fire i 2005.

På 2010-talet skreiv Doyle musikk til Hollywood-blockbusterar som Thor (2011), Rise of the Planet of the Apes (2011) og Cinderella (2015).

Andre kjende verk er musikk til familiefilmar som Brave (2012), Nanny McPhee (2005) og A Little Princess (1995).

Han har også skrive musikk til fleire filmar for den franske regissøren Régis Wargnier, som Indochine (1992), <i id="mw0A">Une femme française</i> (1995) og Est-ouest (1999). Musikken til Indochine og Est-ouest blei nominert til ein césarpris for beste filmmusikk.

Samarbeid med andre kunstnarar

[endre | endre wikiteksten]

Doyle samarbeider regelmessig med kunstnarar frå andre felt om filmmusikken sin. Frå den klassiske musikkverda song Plácido Domingo på «In Pace» i Hamlet[17] og Jane Eaglen song «Weep You No More Sad Fountains» i Sense & Sensibility.[18] Begge filmane gav Doyle Oscar-nominasjonar for Best Film Score.

Popartistar Doyle har samarbeidd med er mellom anna Jarvis Cocker på Harry Potter and the Goblet of Fire,[19] og Pulp og Tori Amos på Great Expectations.[20] Han skreiv «I find your love» i lag med den Nashville-baserte songaren Beth Neilsen Chapman til Calendar Girls, og skreiv songen «Never Forget» i lag med Kenneth Branagh til <i id="mw9w">Murder on the Orient Express</i>, som så blei framført av Michelle Pfeiffer.[21]

Konsertverk og tingingvserk

[endre | endre wikiteksten]

Doyle sin velgjerdskonsert Music from the Movies, til støtte for Leukemia Research UK, blei sett opp i Royal Albert Hall i 2007. Han var regissert av Kenneth Branagh og skriven av Daniel Hill, med framføringar av Emma Thompson, Derek Jacobi, Judi Dench, Alan Rickman, Imelda Staunton, Richard E. Grant, Adrian Lester og Robbie Coltrane og musikk av Doyle framført av London Symphony Orchestra.[22]

Verket til Doyle blei feira i to konserter på Celtic Connections-festivalen i Glasgow i 2019, begge framført av BBC Scottish Symphony Orchestra og dirigert av Dirk Brossé.[23] Den fyrste konserten var den fyrste filma konsertframføringa i verda av musikk skriven av Doyle til Pixar sin film Brave, og blei halden i Glasgow Concert Hall. Den andre konserten, Patrick Doyle - A Celebration, fann stad i Glasgow City Hall og omfatta to originale verk skrivne av Doyle til konserten: «Sweet Rois of Vertew» og «Scottish Overture». Konserten hadde òg ei framføring av «Corarsik», eit solofiolinstykke han opphavleg hadde skrive til Emma Thompson sin 50-årsdag.[24]

Doyle har skrive ei rekkje konsertverk, mellom anna The Thistle and the Rose, ein songsyklus bestilt av dåverande prins Charles til ære for den 90. fødelsdagen til dronningmora som blei produsert av George Martin og premiert på Buckingham Palace;[25] The Face in the Lake, bestilt av Sony med Kate Winslet som forteljar,[26] og Tam O Shanter, bestilt av Scottish Schools Orchestra Trust.[27]

Den internasjonale filmfestivalen i Syracuse tinga ny filmmusikk frå Doyle til den klassiske stumfilmen It i 2012.[28] I 2015 blei musikken oppført av medlemmar ved Royal Conservatoire of Scotland Junior Orchestra og Lanarkshire Arts and Film Orchestra, som ein del av dei banebrytande musikkutdanningsinitiativa støtta av Doyle.[29]

Fleire franske filmfestivalar har hatt Doyle som æresgjest, mellom anna Festival international du film d'Aubagne,[30] der ein viste Cinderella, Festival International Musique et Cinéma à Auxerre Congrexpo[31] og 1er Salon du Cinema.[32]

I 2023 blei Doyle beden om å komponera kroningsmarsjen for kroninga av Charles III og Camilla.[33] Komposisjonen hans, King Charles III Coronation March, blei framført under Commonwealth-prosesjonane.[34]

Innspelingar

[endre | endre wikiteksten]

I 2013 komponerte Doyle ein original konsertsuite, Impressions of America, som blei gjeven ut av Varèse Sarabande.[35] Han blei framført i 2012 av National Schools Symphony Orchestra, som Doyle støttar.[36]

Doyle spelte inn eit solo-pianoalbum i 2015, med stykke frå filmmusikken sin. Det blei gjeve ut av Varèse Sarabande.[37]

I 2020 bidrog Doyle med opningssporet «Château Ferguson» på albumet Fresh Air... Breathe In, til støtte for velgjerdsorganisasjonen Breathe Arts Health Research, som svar på koronapandemien.[38]

I 2022 gav Doyle ut eit album med tittelen Robert Burns - Love Songs for Solo Piano der han framførte ei nyleg arrangert samling av verk skrivne av den skotske nasjonalskalden Robert Burns.[39]

Prisar og utmerkingar

[endre | endre wikiteksten]

I juni 2013 fekk Doyle ASCAP Henry Mancini-prisen ved den 28. årlege Film & Television Music Awards for bidraga sine til film- og TV-musikk.[5]

I oktober 2015 fekk Doyle Lifetime Achievement Award frå World Soundtrack Academy under Gent filmfestival i Belgia.[40]

I 2018 fekk Doyle eit æresdoktorat frå University of the West of Scotland.[41]

Privatliv

[endre | endre wikiteksten]

Doyle er gift med Lesley, som han har fire barn med.

Kjelder

[endre | endre wikiteksten]
  1. ↑ Sandra Brennan. «Patrick Doyle». Arkivert frå originalen 20 December 2013. Henta 7 December 2013. 
  2. ↑ «Hollywood's most in-demand composers plans to make Cork home» (på engelsk). Henta 8 August 2021. 
  3. ↑ 3,0 3,1 «Patrick Doyle». Filmtracks. Henta 30 August 2013. 
  4. ↑ Chagollan, Steve. «Patrick Doyle Tapped for Lifetime Achievement at the World Soundtrack Awards» (på engelsk). Henta 7 February 2023. 
  5. ↑ 5,0 5,1 «ASCAP to Honor Patrick Doyle with Henry Mancini Award ...». ASCAP. Henta 21. februar 2014. 
  6. ↑ «Patrick Doyle Biography (1953-)». Film Reference. Henta 30 January 2014. 
  7. ↑ Kerr, Alison (16 April 2001). «Why Bridget's in the mood». The Herald. Henta 30 January 2014. 
  8. ↑ 8,0 8,1 «Patrick Doyle». Arkivert frå originalen 21 June 2017. Henta 9 May 2023. 
  9. ↑ «Patrick Doyle». Henta 17 May 2023. 
  10. ↑ «Maggie». Henta 17 May 2023. 
  11. ↑ Morris, Paul. «NO. 73». Henta 17. mai 2023. 
  12. ↑ «No. 73 / 7T3». Henta 17 May 2023. 
  13. ↑ Utichi, Joe. «Composer Patrick Doyle: The RT Interview». Rotten Tomatoes. Henta 30 January 2014. 
  14. ↑ «Patrick Doyle Interview | Composer of All is True, Murder on the Orient Express, and Thor» (på engelsk). Henta 10 June 2020. 
  15. ↑ «Patrick Doyle». Filmtracks. Henta 30 January 2014. 
  16. ↑ «Patrick Doyle – Shakespearean classicist». mfiles. Henta 30 January 2014. 
  17. ↑ Doyle: William Shakespeare's Hamlet (soundtrack) – Patrick Doyle | Songs, Reviews, Credits | AllMusic (på engelsk), henta 10 June 2020 
  18. ↑ Sense and Sensibility – Patrick Doyle | Songs, Reviews, Credits | AllMusic (på engelsk), henta 10 June 2020 
  19. ↑ Koza-Culp, Hinda. «New "Harry Potter" Soundtrack Features Members From Radiohead & Pulp | Rock 95» (på engelsk). Henta 10 June 2020. 
  20. ↑ Great Expectations [Original Soundtrack] – Original Soundtrack | Songs, Reviews, Credits | AllMusic (på engelsk), henta 10 June 2020 
  21. ↑ Murder on the Orient Express [Original Motion Picture Soundtrack] – Patrick Doyle | Credits | AllMusic (på engelsk), henta 10 June 2020 
  22. ↑ Freer, Ian. «Patrick Doyle's Music from The Movies». Arkivert frå originalen 30 July 2012. Henta 30 January 2014. 
  23. ↑ «Happy homecoming beckons for Brave composer Patrick Doyle». The Scotsman (på engelsk). Henta 7 February 2023. 
  24. ↑ «Happy homecoming beckons for Brave composer Patrick Doyle» (på engelsk). Henta 10 June 2020. 
  25. ↑ Vickers, Hugo (31 March 2013). Elizabeth, The Queen Mother (på engelsk). Random House. ISBN 978-1-4481-5072-4. 
  26. ↑ «Patrick Doyle – Air Edel – Composer» (på engelsk). Henta 10 June 2020. 
  27. ↑ Hischak, Thomas S. (16 April 2015). The Encyclopedia of Film Composers (på arabisk). Rowman & Littlefield. ISBN 978-1-4422-4550-1. 
  28. ↑ Chanatry, Hannah. «Syracuse Film Festival commissions composer Patrick Doyle for silent film classic» (på engelsk). Henta 10 June 2020. 
  29. ↑ McNeill, Alastair. «Lanarkshire school pupils are inspired by Hollywood film composer Patrick Doyle» (på engelsk). Henta 7 February 2023. 
  30. ↑ «International Film Festival of Aubagne 2019 with Trevor Jones and Patrick Doyle» (på engelsk). Henta 14 January 2021. 
  31. ↑ Basirico, Benoit. «Auxerre #4 : la famille de la Musique de film réunie pour un concert anthologique !». Henta 14 January 2021. 
  32. ↑ Deshayes, Damien. «La musique de film se fait une petite place | ResMusica» (på fransk). Henta 14 January 2021. 
  33. ↑ «Andrew Lloyd Webber piece among new coronation music». BBC News. 18 February 2023. Henta 20 February 2023. 
  34. ↑ [New Music Commissions for the Coronation Service at Westminster Abbey Royal Family, "New music commissions for the coronation service at Westminster Abbey"], 17 April 2023. Retrieved 9 May 2023.
  35. ↑ Sarabande, Varèse. «Impressions of America». Henta 10 June 2020. 
  36. ↑ «Screen Composers Guild of Ireland Presents a Screen Composition Masterclass with Patrick Doyle» (på engelsk). Henta 10 June 2020. 
  37. ↑ Sarabande, Varèse. «Music of Patrick Doyle, The: Solo Piano». Henta 10 June 2020. 
  38. ↑ «'Fresh Air… Breathe In' & 'Breathe Out' Compilation Albums Announced | Film Music Reporter» (på engelsk). Henta 10 June 2020. 
  39. ↑ «Air-Edel Launches Digital Sheet Music Store with Patrick Doyle's 'Robert Burns – Love Songs for Solo Piano' | LBBOnline» (på engelsk). Henta 7 February 2023. 
  40. ↑ «British composer Patrick Doyle receives World Soundtrack Lifetime Achievement Award». WSA. Henta 3 June 2015. 
  41. ↑ «UWS Honorary Doctorate for Top Scottish composer» (på engelsk). Henta 7 February 2023. 
Henta frå «https://nn.wikipedia.org/w/index.php?title=Patrick_Doyle&oldid=3570630»