Paul Ingebretsen

Frå Wikipedia – det frie oppslagsverket
Hopp til navigering Hopp til søk
Paul Ingebretsen
Fødd 15. oktober 1904
Død

16. august 1968

Yrke politikar

Paul Ingebretsen (15. oktober 190416. august 1968) var ein norsk byråkrat og politikar frå Stavanger som representerte VenstreStortinget i tida 1950-61. Han var fylkesmann i Rogaland 1959-68.

Liv og gjerning[endre | endre wikiteksten]

Ingebretsen var son til ein kjøpmann i Stavanger. Frå 1923 studerte han jus i Oslo og vart cand.jur. i 1927. Han arbeidde så ved sorenskriveri frå 1928 til 1940, fyrst som kontorist og sidan som dommarfullmektig. Krigsåra 1940-44 var han tilsett på kontoret til Rogaland fylkeskommune, kontorsjef 1945-46. I 1947 vart han likningssjef i Stavanger, ei stilling han hadde til 1958. Han fekk jobben som fylkesmann i Rogaland i 1959, eit embete han hadde til han døydde i 1968.

Periodane 1937-40 og 1945-55 var Ingebretsen medlem av bystyret i Stavanger, vald for partiet Venstre. Frå 1950 til 1961 representerte han partiet på Stortinget. I den fyrste valperioden var han vald frå kjøpstadene i Vest-Agder og Rogaland, i dei to siste frå Rogaland fylke. Heile tida han var tingmann sat han i Finanskomiteen, dei siste åtte sesjonane som nestformann. Han var parlamentarisk nestleiar i Venstre frå 1954 til han forlet Stortinget.

Ingebretsen hadde ei mengd verv i både privat og offentleg virke. Mellom anna var han formann i eit utval som vurderte flytting av statsinstitusjonar frå Oslo i åra 1961-64, og han var formann i Bygningsfredningskomiteen frå 1967 til han døydde året etter. Han var elles styremedlem 1946-57 i Norsk Folkeakademi, nestformann dei siste fire åra.

Han vart i 1968 utnemnd til kommandør av St. Olavs Orden.

Kjelder[endre | endre wikiteksten]