Peder Christian Bjørnsgaard

Frå Wikipedia – det frie oppslagsverket
Hopp til navigering Hopp til søk
Peder Christian Bjørnsgaard
Fødd 10. september 1836
Fåberg
Død

15. juni 1925
Risør

Yrke politikar, redaktør, telegrafist

Peder Christian Bjørnsgaard (10. september 183615. juni 1925) var ein norsk telegrafist, redaktør og stortingsmann frå Fåberg i Oppland, busett i Risør.

Bjørnsgaard var son til ein gardbrukar og kyrkjesongar. Sjølv gjekk han i vel eitt år på Lillehammer realskule, seinare arbeidde han på kontoret til generalmajor P.H. Birch. I 1856 tok han telegrafisteksamen og gjorde dei to neste åra teneste i Arendal. Frå 1859 til 1906 var han styrar av telegrafstasjonen i Risør. Åra 1867-73 redigerte han «Nedenes Amtstidende» og 1877-80 bladet «Norge». I meir enn 50 år skreiv han artiklar i ulike aviser.

Bjørnsgaard var medlem av Risør bystyre og i mange år ordførar. Han representerte valkrinsen ØsterrisørStortinget frå 1868 til -73 og på ny 1877-79. Alle tre tingperiodane var han medlem av protokollkomiteen, sekretær i komiteen den siste treårsbolken. Same treårsbolken var han også sekretær i Odelstinget. Bjørnsgaard var ein mykje aktiv talsmann for venstrepolitikken i Noreg i 1870-åra. Han gav i 1911 ut Spredte Minder fra 50- til 70-aarenes Norge.

Han døydde i Risør.

Kjelder[endre | endre wikiteksten]