Per Aarviknes

Frå Wikipedia – det frie oppslagsverket
Per Aarviknes
Fødd 7. september 1897
Død

11. april 1981 (83 år)

Per Aarviknes (7. september 189711. april 1981) var bygdebokforfattar i VoldaSunnmøre. Han var fødd på Årvikneset ved Straumshamn på sørsida av Voldsfjorden.

Liv og Yrke[endre | endre wikiteksten]

Av utdanning hadde han folkeskulen og eit år på Møre Folkehøgskule i Ørsta. Han tok til som fiskar i 15 års alderen. Det var han i tolv vintrar. I tillegg arbeidde han som gardbrukar, han overtok farsgarden i 1931, som båtbyggar, vegarbeidar og som rutebilsjåfør. Han arbeidde fleire år med likninga i Volda, og to år i hamnevesenet med moloarbeid.

Kulturarbeidar[endre | endre wikiteksten]

Per Aarviknes tok til å samle folkeminne frå ti-elleve års alderen. Han søkte om stønad til å drive innsamlingsarbeid frå Nansenfondet, men fekk avslag. Han kosta sjølv reise til statsarkivet i Trondheim, og til Bergen. Første boka, Ætt og minne. Gamal segn og soge I fekk han gitt ut i 1942. Han gav ut fleire bøker med lokalhistorisk stoff. Det meste frå Volda. I 1961 vart det vald kommunal bygdeboknemnd i Volda. Aarviknes fekk no hjelp med arbeidet. Han fekk og økonomisk stønad. I 1970 - 1973 gav han ut Volda-soga : gardar og slekter i tre bind.

Aarviknes var medarbeidar for Institutt for sammmenlignende kulturforsking i fleire år. Han var og medarbeidar i Norsk Ordbok. Han dirigerte songkor, og spelte fele, toradar og gitar.

Per Aarviknes fekk Kongens fortenestmedalje i gull.

Bibliografi[endre | endre wikiteksten]

  • Ætt og minne. Gamal segn og soge I. Fem hefte, seinare samla i Ætt og minne. Voldaætter 1 (1942)
  • Sagnhistoriske folkeminne (1945)
  • Selje kloster (1948)
  • Folkeminne, 2 (1951)
  • Folkeminne frå Volda og Dalsfjord (1951)
  • Gardar og ætter i Volda : 1603-1950 1. bandet (1955)
  • Gardar og ætter i Volda : 1603-1950 2. bandet (1959)
  • Nokre dikt (1965)
  • Det var ein gong : litt Volda-soge (1969)
  • Volda-soga : gardar og slekter tre band (1970 - 1973)
  • Frå eit langt liv : folkeminne, segn og soge (1975)

Kjelder[endre | endre wikiteksten]