Per Håland
| Per Håland | |
| Statsborgarskap | Noreg |
| Fødd | 7. januar 1919 Høyanger kommune 
|
| Død |
9. oktober 1999 (80 år) |
| Yrke | journalist, avisredaktør |
Per Håland (1. januar 1919–9. oktober 1999) var ein norsk journalist og redaktør.
Bakgrunn
[endre | endre wikiteksten]Per Håland kom frå Høyanger i Sogn og Fjordane. Foreldra var Andreas Gullakson Håland (1889-1963) og Sofie Persdotter Øyra (1891-1951). Per fekk i 1932 påvist infeksjon i beinet.[1] Han vart operert for ostiomylit, og var i mange år liggjande sjuk.[2] Håland gifta seg i 1952 med Ingrid Idstad.
Journalist og redaktør
[endre | endre wikiteksten]Si fyrste journalistiske erfaring fekk Håland mot slutten av 1930-talet som korrespondent for Sogn og Fjordane og freelancar for Høyanger Avis. 1947 fekk han jobben som redaktør i Fjordabladet i Nordfjord. Deretter gjekk karrierevegen vidare til VG (1948-1951). Seinare vart han redaktør i Vest Agder (1951-1952) og etter det politisk redaktør i Varden (1952-1954).
Men det var fyrst og fremst som redaktør i Gula Tidend i Bergen, der han vart tilsett i 1954, at Per skaffa seg eit namn som bladmann. I vel 25 år styrte han denne tradisjonsrike nynorskavisa, ofte i blest og hardt vêr. Med ein sylskarp penn fekk Per snøgt eit namn som bladstyrar, og Gula Tidend vart lagt merke til utover den tradisjonelle lesarkrinsen.
Andre interesseområde
[endre | endre wikiteksten]Håland hadde ei glødande interesse for teater. Det er blitt hevda at han melde fleire premierar på Det Norske Teatret enn nokon annan kritikar. I tillegg var han ein av initiativtakarane til det som skulle bli Hordaland Teater.
Per Håland hadde òg eit sterkt engasjement for nynorsksaka og ungdomslagsarbeid. I tillegg var han aktiv i politikken. Nokre år fungerte han til dømes som fylkessekretær for Venstre i Sogn og Fjordane.
Bibliografi
[endre | endre wikiteksten]- 75 år : eit liv i strid for fridom og norskdom, bygdenorsk kulturarv og norsk bondereising på fullnorsk målgrunn, 1979, Gula Tidend, Bergen
Kjelder
[endre | endre wikiteksten]Arkiv
[endre | endre wikiteksten]- SFF-2004011 Håland, Per (arkivkatalog på Arkivportalen)
Referansar
[endre | endre wikiteksten]Bakgrunnsstoff
[endre | endre wikiteksten]- Grepstad, Ottar. Viljen til språk : ei nynorsk kulturhistorie . - Oslo. : Samlaget , 2006 - 317 s.
- Per Håland (SNL)
- Per Håland (NRK fylkesleksikon)