Periferieininga Dráma

Frå Wikipedia – det frie oppslagsverket
Gå til: navigering, søk
Periferieininga Dráma
Περιφερειακή ενότητα Δράμας
Plasseringa til {{{name}}} i Hellas
Periferi Aust-Makedonía og Thráki
Hovudstad Dráma
Folketal 98 287 (2011[1]) Rangering 12.
Areal 3 468 km² Rangering 12.
Folketettleik 28/km²
Kommunar 5
Postnummer 66x xx
Retningsnummer 252x0
Bilnummer PM
Heimeside www.drama.gr

Periferieininga Dráma (gresk Περιφερειακή ενότητα Δράμας Periferiakí enótita Drámas) er ei periferieining i Hellas i periferien Aust-Makedonía og Thráki.[2] Hovudstaden i periferieininga er Dráma. Periferieininga er det nordlegaste i Gresk Makedonia og det vestlegaste i periferien. Det nordlegaste punktet er Rodopifjella.

Historie[endre | endre wikiteksten]

Den eldste permanente busetnaden i området er det som i dag er byen Dráma, som har sitt opphav i førhistorisk tid. I antikken var området ein del av Kongedømet Makedonia, og seinare ein del av Romarriket og Austromarriket.

Frå 1200- til 1400-talet skifta Dráma herskarar fleire gongar. I 1204 erobra krossfararane området. I 1223-1224 vart det erobra av Theodoros Ι Komnenos Doukas, keisar av Thessaloníki. Ι 1230 vart det erobra av Ioannis Asen ΙΙ, tsar i Bulgaria, medan det i åra 1242-1243 og i 1246 kom tilbake til austromarane då Ioannis Vatatzis gjenerobra Aust-Makedonia.

På byrjinga av 1300-talet var det uro i området og ein austromersk borgarkrig mellom Andronicus ΙΙ og III Paleologos (1321-1328) og seinare mellom Ioannis Kantakouzinos og medlemmar av Paleologosdynastiet (1341-1347). Det osmanske riket erobra byen Dráma i 1383.

Dráma vart igjen ein del av Hellas etter den første balkankrigen i 1913.

Geografi[endre | endre wikiteksten]

Fjella Órvilos (Slavjanka) ligg i nordvest, Falakró i nord og Rodopifjella i nordaust, medan Meníkio ligg i sørvest. Elva Nestos (Mesta) er den lengste elva i periferieininga og renn i nordlege og austlege område. Periferieininga grensar til Xánthi i aust, Kavála i sør, Sérres i nordvest og vest og til Bulgaria i nord. Dyrkbar mark finst i sørlege og vestlege område av Dráma.

Klima[endre | endre wikiteksten]

Periferieininga har hovudsakleg middelhavsklima i dei sørlege områda. Elles er klimaet kontinentalt med kalde vintrar i høgareliggande og nordlege område.

Administrativ inndeling[endre | endre wikiteksten]

Tidlegare var Dráma eit prefektur. Frå 2011 er periferieininga delt inn i fem kommunar.[2]

Periferieining Kommune Tidlegare
kommune
Postnummer Retningsnr
Dráma Káto Nevrokópi Káto Nevrokópi 660 33 25230-2
Prosotsáni Prosotsáni 662 00 25220-2
Sitagrí 660 34 23510-9
Dráma Dráma 661 00 25210-2
Sidirónero 660 38 25210-9
Paranésti Paranésti 660 32 25250-2
Nikifóros 660 37 25210-9
Doxáto Doxáto 663 00 25210-6
Kalambáki 660 31 25210-5

Byar og tettstader[endre | endre wikiteksten]

Dei største byane og tettstadene i periferieininga er:

Tettstad Kommune Folketal 2011[1]
Dráma Dráma 44 823
Prosotsáni Prosotsáni 3 553
Ájos Athanásios Doxáto 3 150
Kalambáki Doxáto 3 110
Doxáto Doxáto 2 884
Khoristí Dráma 2 725
Xiropótamos Dráma 2 554
Káto Nevrokópi Káto Nevrokópi 2 157
Petroússa Prosotsáni 1 704
Fotolívos Prosotsáni 1 484
Kýria Doxáto 1 330
Kallífytos Dráma 1 282
Kalós Agrós Dráma 1 178
Adrianí Paranésti 1 080
Vólakas Káto Nevrokópi 1 028

Referansar[endre | endre wikiteksten]

Kjelde[endre | endre wikiteksten]