Peter Andreas Sæther

Frå Wikipedia – det frie oppslagsverket
Peter Andreas Sæther

Statsborgarskap Noreg
Fødd 24. april 1812
Trondheim
Død

19. desember 1897 (85 år)
Levanger kommune

Yrke politikar, lærar, klokkar
Språk norsk
Peter Andreas Sæther på Commons

Peter Andreas Sæther (24. april 181219. desember 1897) var ein norsk lærar, ordførar og stortingsmann frå Trondheim.

Far til Sæther var sjømann og døydde tidleg. Sæther vart frå då oppfostra hos morfaren. I unge år var han i fire år huslærar hos soknepresten i Skogn, der han samstundes gjekk i lære for å verte skulehaldar. Han var så lærar og kyrkjesongar i Levanger frå 1832. Frå 1835 til 1879 var han lærar og kyrkjesongar i Alstadhaug sokn i Skogn. Sæther var ordførar i heradsstyret 1850-62 og 1870-73.

Sæther representerte Nordre Trondhjems amtStortinget 1851 og 1857-77. Han var 1851 og -57 medlem av kyrkjekomiteen, 1859-60 og 1865-66 av vegkomiteen, 1862-63 sekretær av kyrkjekomite nr 1 og medlem av jarnbanekomiteen, 1868-69 og 1871-77 av tollkomiteen, dei siste fire sesjonane sekretær i sistnemnde. Dessutan var han medlem av Lagtinget 1857-60, visesekretær 1862-63 og sekretær 1864-66, 1868-69 og 1871-73 i same. I den siste valbolken, 1877-79, møtte han berre i 1877, sidan permittert grunna sviktande helse. I 1860 var han medlem av Stortinget sin deputasjon til kongekroninga i Trondheim.

Sæther døydde i Levanger i 1897.

Kjelder[endre | endre wikiteksten]