Peter Debes

Peter Debes
Statsborgarskap	Noreg
Fødd	4. mars 1845 Christiania
Død	30. mai 1914 (69 år) Kristiansand kommune
Yrke	politikar, tollar, offiser
Språk	norsk

Peter Olaf Debes (4. mars 1845–30. mai 1914), eller Peter Olaf Nielsen, var ein norsk lærar, tollar og stortingsmann frå Christiania. Etternamnet Debes tok han i bruk frå 1897.

Debes var son til ein snikkarmeister. Han tok i 1866 eksamen ved krigsskulen, og var deretter sekondløytnant til han i 1868 vart premierløytnant i Kristiansandske brigade, forfremja i 1880 til kaptein. Tida 1872-82 var han lærar ved borgar-/middelskulen i Kragerø. Han fekk i 1882 stilling ved tollkontoret i Kragerø. År 1893 vart han tollkasserar i Larvik og i 1897 tollinspektør i Kristiansand, frå 1908 tollkasserar der.

Debes var medlem av Kragerø bystyre 1882-93. Han var stortingsrepresentant for Kragerø 1883-94, og Larvik og Sandefjord 1895-97. I den fyrste valperioden, 1883-85, var han medlem av tollkomiteen. Frå 1886 var han medlem av militærkomiteen, sekretær 1889-90 og formann 1891, samt 1893-94. I si siste stortingsperiode, 1895-97, var han ordinær medlem av same komiteen.

Kjelder

• Lindstøl, Tallak (1914). «Debes, Peter Olaf». Stortinget og statsraadet: 1814-1914. Kristiania: Steenske bogtrykkeri. s. 190. 
• Haffner, Vilhelm (1949). Stortinget og statsrådet: med tillegg til Tallak Lindstøl: Stortinget og Statsraadet 1814-1914. Oslo: [Aschehoug]. s. 14. 
• Biografisk informasjon om Peter Debes NSD Norsk senter for forskningsdatas politikararkiv