Peter Edvard Vorum

Frå Wikipedia – det frie oppslagsverket
Hopp til navigering Hopp til søk
Peter Edvard Vorum
Ordfører Peter E Vorum Ytre Rendal.jpg
Fødd4. oktober 1884
Sparbu
Død24. april 1970 (85 år)
Statsborgar avNoreg
PartiArbeidarpartiet, Arbeiderdemokratene, Nasjonal Samling
YrkeLærar
Utdanna vedHøgskolen i Levanger

Peter Edvard Vorum (4. oktober 188424. april 1970) var ein norsk lærar og stortingspolitikar for Arbeidarpartiet.

Vorum vart fødd ved Steinnes i Sparbu som son av gardbrukar Christoffer Olsen Vorum (1843–1915) og Karoline Elvine Ertsaas (1855–1890). Han gjekk på Ogndal folkehøgskule frå 1901 til 1902 og vart uteksaminert ved Levanger lærarskule i 1905. Etter dette var han tilsett som lærer ved Falstad skuleheim og ein skule i Egge i 1905, og sidan ved ein skule i Andenes frå 1906 til 1909. Frå 1910 var han tilsett ved ein skule i Ytre Rendal, og vart vald som ordførar ved Ytre Rendal heradstyre gjennom sju periodar frå 1913 til 1934. I 1929 vart han tilsett som fylkesrevisor for Hedmark i 1929, og i perioden 1931 til 1933 var han formann i fylkestinget.

Vorum vart vald inn på Stortinget som 5. representant etter valet i 1933 frå valkretsen Hedmark fylke, der han fungerte som medlem av kyrkje- og skulekomiteen. Han vart attvald ved valet i 1936, og var òg då medlem av kyrkje- og skulekomiteen. Under okkupasjonen av Noreg melde han seg inn i Nasjonal Samling og vart rådmann for Åmot i perioden 1941 til 1945, og dessutan skuledirektør frå 1944. Vorum vart den einaste frå Den parlamentariske gruppa til Arbeidarpartiet frå 1936 som melde seg inn i partiet.[1] Under landssvikoppgjeret vart han sikta for forræderi og i september 1948 vart han dømd til fem års tvangsarbeid og dessutan tap av lærarstillinga. Vorum døydde i april 1970 i ein alder av 85 år.[2]

Stortingskomitear[endre | endre wikiteksten]

  • Kyrkje- og skulekomiteen 1934–1936 og 1937–1945

Referansar[endre | endre wikiteksten]

  1. Pryser, Tore (1991). Arbeiderbevegelsen og Nasjonal Samling. Oslo: Tiden. s. 99. ISBN 82-10-03346-8. 
  2. Avbildet gravsten av «Peter Edvard Vorum» hos DIS-Norge. (Besøkt 16. oktober 2011)