Peter Howitt
| Peter Howitt | |||
| Fødd | 31. mai 1946 Guelph | ||
|---|---|---|---|
| Nasjonalitet | Canada | ||
| Yrke | universitetslærar, samfunnsøkonom | ||
| Institusjonar | Brown University University of Western Ontario | ||
| Alma mater | Northwestern University University of Western Ontario McGill University | ||
| Doktorgradsrettleiar | John Ledyard | ||
| Medlem | Royal Society of Canada Econometric Society | ||
Peter Wilkinson Howitt (fødd 31. mai 1946) er ein kanadisk økonom og Lyn Crost-professor emeritus i samfunnsvitskap ved Brown University. Han er best kjend for samarbeidet sitt med Philippe Aghion om endogen vekstteori og omgrepet «skapande øydelegging» i moderne makroøkonomi.[1] I 2025 fekk Howitt, Aghion og Joel Mokyr saman Sveriges Riksbanks pris i økonomisk vitskap til minne om Alfred Nobel «for teorien om vedvarande vekst gjennom skapande øydelegging».[1]
Bakgrunn
[endre | endre wikiteksten]Howitt vart fødd i Guelph, Ontario, i 1946.[2] Han tok bachelorgrad i økonomi ved McGill University i 1968, mastergrad ved University of Western Ontario i 1969, og doktorgrad ved Northwestern University i 1973, under rettleiing av Robert W. Clower.[3]
Akademisk karriere
[endre | endre wikiteksten]Etter doktorgraden vende Howitt tilbake til Canada og underviste ved University of Western Ontario frå 1972 til 1996.[4] Han vart tilsett ved Ohio State University i 1996 og gjekk til Brown University i 2000, der han har vore sidan.[4] Sidan 2013 har han hatt tittelen professor emeritus ved Brown University.
I tillegg til universitetsarbeidet har han hatt eit langt samarbeid med C. D. Howe Institute, ein partipolitisk uavhengig tankesmie med base i Toronto, Canada. Howitt byrja å publisere økonomiske policyrapportar gjennom instituttet i 1986 og var «fellow-in-residence» der frå 2011 til 2015.[5][6]
Howitt var president i Canadian Economics Association i 1993–1994 og redaktør for Journal of Money, Credit, and Banking i perioden 1997–2000.[7]
Heider og prisar
[endre | endre wikiteksten]Howitt vart vald inn som medlem av Royal Society of Canada i 1992 og av Econometric Society i 1994.[7][8] I 2019 fekk han og Aghion BBVA Foundation Frontiers of Knowledge Award i økonomi, finans og leiing.[9]
I 2025 vart Howitt og Aghion tildelt halve Sveriges Riksbanks pris i ekonomisk vetenskap till Alfred Nobels minne «for å ha forklart innovasjonsdrevet økonomisk vekst». Den andre halvdelen av prisen vart tildelt Joel Mokyr.[10][11]
Kjelder
[endre | endre wikiteksten]- 1 2 The Royal Swedish Academy of Sciences (13. oktober 2025). «The Prize in Economic Sciences 2025» (PDF). The Nobel Prize. Henta 13. oktober 2025.
- ↑ Bueckert, Kate (13. oktober 2025). «Guelph's Peter Howitt Nobel win 'a proud moment' for Ontario universities where he studied and worked». CBC News. Henta 13. oktober 2025.
- ↑ Laidler, David (1. januar 2022). «Peter Howitt – A Keynesian Still in Recovery». University of Western Ontario Department of Economics Research Report Series. hdl:20.500.14721/11869.
- 1 2 «Brown University economics professor Peter Howitt wins Nobel Prize in Economic Sciences». News from Brown (på engelsk). Brown University. 13. oktober 2025. Henta 13. oktober 2025.
- ↑ Chevance, Catherine. «Scientific Folder DHC Peter Howitt – Gredeg». Gredeg (på fransk). Arkivert frå originalen 25. april 2025.
- ↑ «C.D. Howe Institute International Fellow Peter Howitt Wins Nobel Prize». C.D. Howe Institute (på engelsk). Henta 15. oktober 2025.
- 1 2 McDevitt, Neale (13. oktober 2025). «McGill Alumnus Peter Howitt awarded 2025 Nobel Prize in Economics for work on innovation and growth». McGill Reporter (på engelsk). McGill University. Henta 13. oktober 2025.
- ↑ «Current Fellows». Econometric Society. Henta 13. oktober 2025.
- ↑ «Peter Howitt, 12th Frontiers of Knowledge Award in Economics, Finance and Management». BBVA Foundation. Henta 13. oktober 2025.
- ↑ The Royal Swedish Academy of Sciences (13. oktober 2025). «The Prize in Economic Sciences 2025» (PDF).
- ↑ VG.no (13. oktober 2025). «Nobelprisen i økonomi går til Joel Mokyr, Phillippe Aghion, og Peter Howitt».
- Denne artikkelen bygger på «Peter Howitt» frå Wikipedia på engelsk, den 28. oktober 2025.