Petteri Orpo
| Petteri Orpo | |||
.jpg) | |||
| Fødd | 3. november 1969 (54 år) Kjulo | ||
|---|---|---|---|
| Statsborgar av | Finland | ||
| Parti | Samlingspartiet i Finland | ||
| Yrke | politikar | ||
| Utdanna ved | Åbo universitet | ||
| Ektefelle | Niina Kanniainen-Orpo | ||
| Føregangar | Sanna Marin | ||
| Alle verv |
| ||
Antti Petteri Orpo (fødd 3. november 1969 i Kjulo i Satakunta) er ein finsk liberalkonservativ politikar. Han er partileiaren til Samlingspartiet, og har sidan 20. juni 2023 vore statsminister i Finland.[1][2]
Liv og virke[endre | endre wikiteksten]
Bakgrunn[endre | endre wikiteksten]
Antti Orpo er son av eit lærarpar, og gjekk på gymnas i Säkylä før han flytta til Åbo for å studera. Han tok del i studentorganisasjonar, etter kvart som funksjonær, og vart valt inn i stadsfullmäktige i Åbo i 1997 og landskapsfullmäktige i Egentliga Finland i 2005. Han tok magistereksamenen sin i samfunnsøkonomi og statsvitskap ved Åbo universitet i 2002, og var dinest spesialrådgjevar i Innanriksministeriet og assisterande partisekretær i Samlingspartiet. Han gifta seg i 2003 med juristen Niina Maria Kanniainen,[3] saman har dei to born.[4]
Riksdagsmedlem[endre | endre wikiteksten]
Orpo har vore vald til Riksdagen frå Egentliga Finland sidan 2007. Frå 2012 til 2014 leidde han riksdagsgruppa til Samlingspartiet. Orpo var jord- og skogbruksminister i regjeringa til Alexander Stubb frå 2014 til 2015, dinest innanriksminister i regjeringa til Juha Sipilä.[3] Juni 2016 tok Orpo over leiarvervet i Samlingpartiet etter Alexander Stubb, fylgjeleg tok han òg over posten til Stubb som finansminister og vart den fremste representanten til Samlingspartiet i Sipilä-regjeringa.[5][6] Orpo vann stor tillit for handteringa si av den europeiske migrasjonskrisa som innanriksminister.[7] Orpo sat som finansminister og avløysaren til statsministeren fram til Sipilä-regjeringa gjekk av i juni 2019.
Statsminister[endre | endre wikiteksten]
Den 2. april 2023 fekk Samlingspartiet – partiet til Orpo – flest røyster ved det finske valet.[8] Orpo leia regjeringsforhandlingane og fekk danna ei koalisjonsregjering sett saman av Sannfinlendarane, Svenska folkpartiet og Kristdemokraterna.[9] Regjeringa til Orpo vart godkjend av Den finske riksdagen den 20. juni 2023.[2]
Kjelder[endre | endre wikiteksten]
- ↑ «Riksdagen valde Petteri Orpo till statsminister» (på svensk). Eduskunta / Riksdagen. Henta 21. juni 2023.
- ↑ 2,0 2,1 Essi Lehto & Terje Solsvik. «Finland's parliament backs Petteri Orpo as PM, replacing Sanna Marin» (på engelsk). Reuters. Henta 21. juni 2023.
- ↑ 3,0 3,1 «Petteri Orpo» (på svensk). Riksdagen. Henta 30. oktober 2016.
- ↑ Petteri – Petteri Orpo (på engelsk), henta 6. april 2023
- ↑ Koskinen, Eva-Maria (11. juni 2016). «Petteri Orpo är Samlingspartiets nya ordförande» (på svensk). Yle. Henta 30. oktober 2016.
- ↑ «Stubb forlater Finlands regjering» (på norsk). finansavisen.no. 15. juni 2016. Henta 30. oktober 2016.
- ↑ Rosendahl, Jussi (22. juni 2016). «Finland's Finance Minister Petteri Orpo» (på engelsk). Reuters. Henta 25. april 2020.
- ↑ Fredrik Kampevoll; Joakim Reigstad & Helge Tvedten. «Han er Finlands nye statsminister» (på norsk bokmål). NRK. Henta 21. juni 2023.
- ↑ «Finland's new government to take office on Tuesday as Marin term officially ends» (på engelsk). YLE. Henta 21. juni 2023.
- Denne artikkelen bygger på «Petteri Orpo» frå Wikipedia på bokmål, den 6. april 2023.
