Pietro Anastasi

Frå Wikipedia – det frie oppslagsverket
Hopp til navigering Hopp til søk
Pietro Anastasi
Pietro Anastasi - Juventus FC 1971-72.jpg
Fødd 7. april 1948
Catania

Pietro Anastasi (fødd 7. april 1948) er ein italiensk, tidlegare fotballspelar som spela midtspiss frå CataniaSicilia. Han vart europameister for Italia i 1968, og trefaldig seriemeister med Juventus, ein klubb som han også vann eit cupgull med.

Klubbspel[endre | endre wikiteksten]

Etter å ha spela for Serie D-klubben Massiminiana i heimbyen fekk Anastasi kontrakt med Varese i 1966, ein klubb som då deltok i Serie B. Varese rykte opp i Serie A året etter. Sommaren 1968 vart han overført til Juventus for 650 millionar lire. Gjennom åtte sesongar med Torino-klubben var han med å vinne tre seriemeisterskap; 1972, 1973 og 1975. I 1976 gjekk han over til Inter, ein klubb han spela for i to sesongar og som han vann sitt einaste cup-gull med. Tida 1978-81 var han i Ascoli si teneste, før han avslutta fotballkarrieren med ein sesong i sveitsiske FC Lugano. Han spela i alt 338 serie A-kampar, og skåra 105 mål i dei kampane.

Landslagsspel[endre | endre wikiteksten]

Anastasi debuterte for Italia i finalen i EM i fotball den 8. juni 1968, ein kamp som enda uavgjort 1-1 mellom Italia og Jugoslavia. To dagar seinare var det klart for omkamp, der Anastasi var mellom dei som fekk tillit på ny. I den kampen skåra Anastasi og Italia vann EM-tittelen etter siger 2-0. Han fekk ikkje plass i VM-troppen i 1970, men deltok i VM 1974. Hausten 1975 spela han sin 25. og siste landskamp. Han skåra åtte mål.

Merittar[endre | endre wikiteksten]

  • EM-gull 1968 for Italia
  • Italiensk seriemeister 1972, 1973 og 1975 med Juventus
  • Italiensk cupmeister 1978 med Inter

Kjelder[endre | endre wikiteksten]