Piotr Małachowski

Piotr Małachowski
Statsborgarskap	Polen
Fødd	7. juni 1983 (42 år) Żuromin
Idrett	friidrett
Tok del i	Friidrett under Sommer-OL 2008 – Diskoskast herrer, Friidrett under Sommer-OL 2012 – Diskoskast herrer, Friidrett under Sommer-OL 2016 – Diskoskast menn
Utmerkingar	Medaljen for fortjenester av landets forsvar i gull, ridder av ordenen Polonia Restituta, offiser av Ordenen Polonia Restituta, Fortjenstkorset i gull

Piotr Małachowski (fødd 7. juni 1983) er ein polsk tidlegare diskoskastar frå Żuromin. Han vart verdsmeister 2015 og europameister 2010 og 2016.

Karriere

Piotr Małachowski vann sølv under U23-europameisterskap i 2005 som sin fyrste internasjonale medalje. Han deltok under EM i friidrett 2006 i Göteborg og VM i friidrett 2007 i Osaka men kasta ikkje langt nok til å få medalje i desse meisterskapa.

Małachowski OL-debuterte under sommar-OL 2008 i Beijing. Her kasta han seg til sølvmedaljen med eit kast på 67,82. Gullet gjekk den gongen til estiske Gerd Kanter, og bronsen fekk Virgilijus Alekna frå Litauen.

Under VM i friidrett 2009 i Berlin sette Piotr Małachowski ny polsk rekord med 69,15 m. Tyske Robert Harting kasta likevel lengre på sitt siste forsøk, og Małachowski fekk VM-sølv. Men under EM i friidrett 2010 i Barcelona tok Małachowski revansje. Her kasta han 68,87 og vart europameister framfor Robert Harting og ungararen Róbert Fazekas.

Piotr Małachowski deltok også under sommar-OL 2012, men enda her på ein femteplass.

Medaljar og plasseringar i internasjonale meisterskap

• EM 2006 i Göteborg: Nr 6 – 64,57 m
• VM 2007 i Osaka: Nr 12 – 60,77 m
• OL 2008 i Beijing: Sølvmedalje – 67,82 m, bakom Gerd Kanter (68,82 m)
• VM 2009 i Berlin: Sølvmedalje – 69,15 m, bakom Robert Harting (69,43 m)
• EM 2010 i Barcelona: Gullmedalje 68,87 m, framom Robert Harting (68,47 m)
• VM 2011 i Daegu: Nr 9 – 63,37 m
• OL 2012 i London: Nr 5 – 67,19 m
• VM 2013 i Moskva: Sølvmedalje – 68,36 m, bakom Robert Harting (69,11 m)
• EM 2014 i Zürich: Nr 4 - 63,54 m
• VM 2015 i Beijing: Gullmedalje 67,40 m, framom Philip Milanov (66,90 m)
• EM 2016 i Amsterdam: Gullmedalje 67,06 m, framom Philip Milanov (65,91 m)
• OL 2016 i Rio de Janeiro: Sølvmedalje – 67,55 m, bakom Christoph Harting (68,37 m)
• VM 2017 i London: Nr 5 – 65,24 m
• EM 2018 i Berlin: Utslått i kvalifiseringa (-)
• VM 2019 i Doha: Utslått i kvalifiseringa (62,20 m =nr 17)
• OL i 2021 i Tokyo: Utslått i kvalifiseringa (62,68 m =nr 15)

Kjelder

• Denne artikkelen bygger på «Piotr Małachowski» frå Wikipedia på tysk, den 21. august 2012.