Pjasinobukta

Frå Wikipedia – det frie oppslagsverket
Hopp til navigering Hopp til søk
Pjasinabukta med dei mange øyane.
Plasseringa til Pjasinabukta i Karahavet.

Pjasinabukta (russisk Пясинский залив - Pjasinskij Zaliv) er ei bukt ved munningen av elva Pjasina i Karahavet. Ho grenser i vest til Kamjennijeøyane og i nordaust til Mininaskjera.

Pjasinabukta er omgjeve av tundrakyst. Det ligg mange øyar og øygrupper i bukta som Zverobojøyane (Zapadnij, Malij, Severnij), dei vesle Trioøyane og Ptitsjiøyane og Labryintovijeøyane.

Området har eit særs hardt klima med lange og bitre vintrar. Bukta er derfor islagd ni månader av året og sjølv på sommaren er det mange isflak i bukta.

Pjasinabukta vart utforska av baron Eduard von Toll på den siste ferda hans under den russiske arktiske ekspedisjonen i 1900-1903.

Kjelder[endre | endre wikiteksten]

Koordinatar: 74°00′N 86°00′E