Pokémon Black og White
| Pokémon Black og White | |
 | |
| Utviklar(ar) | Game Freak |
|---|---|
| Utgjevar(ar) | Nintendo, The Pokémon Company |
| Kreativt ansvarleg(e) | Junichi Masuda |
| Produsent(ar) | Junichi Masuda |
| Design(ar) | Yoko Junichi Masuda (direktør) |
| Serie | Pokémon |
| Plattform(er) | Nintendo DS, PlayStation Portable |
| Utgjeving | JP: 18. september 2010 EU: 4. mars 2011 NA: 6. mars 2011 |
| Sjanger | Rollespel |
| Spelemodus | einspelar, fleirspelar |
| Aldersgrense | PEGI: 3 CERO: A ESRB: E |
Pokémon Black og White er rollespel utvikla av Game Freak og utgjeve av Nintendo på Nintendo DS. Dei er dei første spela i den femte generasjonen i rollespel-serien Pokémon.[1] Black and White kom ut i Japan den 18. september 2010, i Europa den 4. mars 2011 og i Nord-Amerika den 6. mars 2011.
Spelmekanikkane i Pokémon Black og White liknar tidlegare spel i Pokémon-serien, men introduserer nokre nye endringar av mekanikkane i spela. Spelet handlar om ferda til ein pokémon-trenar gjennom regionen Unova, medan ein trenar opp pokémonar som blir nytta til å slåst mot andre trenarar. Det endelege målet i spelet er å bli den beste pokémontrenaren i regionen ved å nedkjempa ei gruppe av dei beste trenarane i pokémon-verda. Black og White introduserer 156 nye pokémon-figurar, som får det samla talet på pokémonar opp i 649 monster.[2] Pokédexen, som fungerer som eit register over alle typar pokémonar, kan ein fullføre ved å få tak i alle 649 pokémon. Black og White kan spelast kvar for seg, men ein treng å byte pokémonar mellom spela for å fullføre pokédexen. Begge titlane er uavhengige av kvarandre, men har stort sett same historie og verd.
I forkant av utgjevinga vart Black og White dei raskaste DS-spela noko sinne til å nå ein million førehandsbestillingar i Japan.[3] I januar 2011 var spela dei raskaste DS-titlane til å selja fem millionar eksemplar.[4]
Kjelder[endre | endre wikiteksten]
- Denne artikkelen bygger på «Pokémon Black and White» frå Wikipedia på engelsk, den 4. mars 2011.
- Wikipedia på engelsk oppgav desse kjeldene:
- ↑ «『ポケットモンスターブラック・ホワイト』» (på Japansk). Arkivert frå originalen 2011-03-07. Henta 4. mars 2011. Den ukjende parameteren
|utgjeve=vart ignorert (hjelp); Den ukjende parameteren|vitja=vart ignorert (hjelp); Den ukjende parameteren|utgjevar=vart ignorert (hjelp) - ↑ «Pokemon Black/White Preview for from 1UP.com». September 23, 2010. Henta 30. oktober 2010.[daud lenkje]
- ↑ Gantayat, Anoop (23. august 2010). «Pokemon Black & White Breaks Records Ahead of Release». IGN. News Corporation. Arkivert frå originalen 2010-08-26. Henta 23. august 2010.
- ↑ Simon Parkin (January 12, 2011). «Gamasutra - News - Pokemon Black & White Becomes Fastest DS Title To Break Five Million Units». Gamasutra. Henta 20. januar 2011.
Bakgrunnsstoff[endre | endre wikiteksten]
- Offisiell japansk nettstad Arkivert 2012-01-25 ved Wayback Machine.
- Offisiell nettstad (global)