Polkagris

Frå Wikipedia – det frie oppslagsverket
Hopp til navigering Hopp til søk
Polkagrisar i krukker.

Polkagris er ein type godteri som består av vatn, sukker, peparmynteolje, glukose og eddik.[1] Den klassiske varianten er raud-og-kvitstripa drops.[2]

Ein framstiller dei stripa dropsa ved å rulla ut lengder av ein kvit og ein raud sukkermasse. Deretter tvinnar ein ei kvit lengd og ei raud lengd saman, og kappar den tvinna lengda opp i mindre bitar.

Soge[endre | endre wikiteksten]

Ulikt smakssette polkagrisar i Granna.
Polkagrisstong.

Den første som laga polkagrisar var svenske Amalia Eriksson som i 1859 fekk løyve av magistraten i Gränna til å skipa sukkerbakeri og til å laga drops. Namnet kjem av den store populariteten i samtida til den nye dansen polka,[3] medan gris var eit vanleg namn på godteri.[4][5] Eriksson var opphavleg ei fattig enkje, men blei rik på verksemda.[1][6][7] VM i polkagrislaging blei halde i Gränna kvart år frå 1994 til 2014.

Polkagrisar er ofte knytte til jul.[8] Dette kjem truleg av ei samanknyting med ein utbreidd amerikansk juletradisjon med å henga opp raud-og-kvitstripa dropsstenger forma som spaserstokkar, såkalla «candy canes», som julepynt.[9]

Galleri[endre | endre wikiteksten]

Referansar[endre | endre wikiteksten]

  1. 1,0 1,1 Andersson, Elias (18. april 2017). «Polkagris – 5 saker du inte visste» (på svensk). Henta 14. desember 2018. 
  2. «DROPS : Polkagriser» (på norsk bokmål). Arkivert frå originalen 2018-12-15. Henta 14. desember 2018. 
  3. «Svensk etymologisk ordbok». 1922. Henta 26. februar 2009. 
  4. Marabou: Polkipedia Henta 17. november 2010.
  5. «polkagris - Uppslagsverk». www.ne.se. Henta 15. september 2020. 
  6. «Gränna i Jönköpings, Småland | Visit Sweden» (på norsk bokmål). Henta 14. desember 2018. 
  7. «Årets matdagar 2018: Polkagrisens dag 20 april» (på svensk). Henta 14. desember 2018. 
  8. Lantliv.com. «Så gör du dina egna polkagrisar till jul» (på svensk). Henta 14. desember 2018. 
  9. JPC-DESIGN, whychristmas?com /. «Christmas Candy Canes on whychristmas?com» (på engelsk). Henta 14. desember 2018. 

Bakgrunnsstoff[endre | endre wikiteksten]