Popovo

Frå Wikipedia – det frie oppslagsverket
Popovsko sett frå Dzjano

Popovo eller Popovsko er den største av ei gruppe på elleve fjellvatn kalla Popovosjøane. Innsjøen og dei omliggande er eit av dei mest populære turistområda om sommaren i Pirin nasjonalpark i Bulgaria. Vatnet ligg i botn av dalsøkket Popovski og er omringa av fjelltoppane Sivrija, Dzjano, Kralev dvor, Momin dvor and Dzjengal.

Vatnet er det største og djupaste i Pirin, og har i tillegg det største volumet. Overflatearealet er 123,6 mål, og er dermed den fjerde største innsjøen i Bulgaria. Han er 29,5 meter på det djupaste, 480 meter lang og 336 meter brei. Vassvolumet er 1 270 000 m³. Innsjøen ligg i ei høgd på 2 234 m. Vatnet får tilsig frå regn og snø, i tillegg til to små bekkar som munnar ut i vatnet i den sørlege enden. Den største vassmengda har ein om våren då snøsmeltinga frå dei omliggande fjelltoppane er størst.

Utsiget frå vatnet skjer via små, bratte bekkar, som renn ut i sju av dei andre Popovskisjøane i den lågare delen av dalsøkket, og frå her har ei av sideelvane til elva Mesta sitt utspring. Området rundt innsjøen inneheld enger og grupper av furuskog