Praktblomsterborar

Praktblomsterborar
Praktblomsterborar
Utbreiing og status
Status i verda: Nær truga Utbreiinga av Praktblomsterborar
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Tanagarar Thraupidae
Slekt:	Blomsterborarar Diglossa
Art:	Praktblomsterborar D. gloriosissima
Vitskapleg namn
Diglossa gloriosissima Chapman, 1912

Praktblomsterborar (Diglossa gloriosissima) er ein fugl i tanagarfamilien. Han er endemisk for Colombia. Han var sist registrert i 1965 til han vart gjenoppdaga i 2004. Utbreiingsområdet er høgtliggande og vanskeleg tilgjengeleg.

Skildring

Dette er ein mellomstor blomsterborar, ca. 14 centimeter i kroppslengd og han veg ca. 14 gram. Fjørdrakta til vaksne fuglar er gjennomgåande svart med klår, kastanjebrun buk og undergump, samt ein karakteristisk lys blå skulderflekk. Nebbet er mørkt og litt oppeikande med ein krok i enden.

Arten er registrert med to åtskilte lokale populasjonar, som to underartar. Nominatforma finst i Cerro Munchique i Cauca-departementet, den andre underarten lever i nordre Antioquia-departementet. Totalt utgjer det 90 km². Her lever dei i våt krattskog og dvergskog, frå 3000 til 3800 moh.

Populasjonen er estimert til å ligge i området 1500-4000 individ og er trudd å vere minkande. Arten er klassifisert som sterkt truga.

Kjelder

• Hilty, S. (2011). Chestnut-bellied Flowerpiercer (Diglossa gloriosissima) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2015). Handbook of the Birds of the World Alive. Lynx Edicions, Barcelona. Henta den 8. november 2015
• BirdLife International (2015) Species factsheet: Diglossa gloriosissima. Henta frå http://www.birdlife.org den 8. november 2015

Referansar

Bakgrunnsstoff

• Bilete på Flickr.com Henta den 8. november 2015