Hopp til innhald

Princ od Vranje

Frå Wikipedia – det frie oppslagsverket
Princ od Vranje

Fødd29. september 1993 (32 år)
FødestadVranje
FødenamnStefan Zdravković, Стефан Здравковић
OpphavSerbia
Aktiv2016–
Instrumentvokal, gitar, tromme
Verka somsongar, teaterskodespelar, karateutøvar

Stefan Zdravković[a] (fødd 29. september 1993), profesjonelt kjend som Princ od Vranje [b], eller berre Princ, er ein serbisk songar. Han representerte Serbia i Eurovision Song Contest 2025 med songen «Mila».

Tidlege år og utdanning

[endre | endre wikiteksten]

Stefan Zdravković vart fødd i Vranje, og har budd i Beograd sidan 2002.[1][2] Han var serbisk meister og visemeister i karate, og konkurrerte òg for landslaget.[1][3] På vidaregåande, 15 år gammal, byrja han å spele musikk då han skipa bandet Šesta Žica saman med vener.[1][4] Han er filolog av yrke, og har fullført utdanninga si ved Institutt for skandinaviske språk, litteratur og kultur – norsk språk – ved Det filologiske fakultetet ved Universitetet i Beograd.[3][5]

Karriere

[endre | endre wikiteksten]

2016–2021: Tidleg karriere

[endre | endre wikiteksten]

Zdravković syng, og spelar både gitar og trommer.[3] Sidan 2016 har han vore vokalist i bandet Sisyphus.[3][4] I 2020 fekk han hovudrolla i rockeoperaen Jesus Christ Superstar av Andrew Lloyd Webber og Tim Rice, arrangert av Kulturhuset i Studentski grad.[1][3][6] Han har delteke på mange festivalar, mellom anna Slavjanski Bazaar i Kviterussland.[1] Han vann den internasjonale musikkonkurransen River Notes i Bulgaria,[7] og har òg vunne ein av dei største musikkfestivalane på Malta.[4] I tillegg har han delteke på festivalar i Kasakhstan, Litauen, Italia og Spania.[2] Han skreiv songen «Lepo moje Vranje», som vart framført av venen hans Đorđe Popović.[4] I Glasat na Bulgaria nådde han semifinalen i 2021, etter å ha blitt vald ut blant 4 000 deltakarar.[6][8][9]

2022–2024: Pesma za Evroviziju ’22 og ’23

[endre | endre wikiteksten]

Den 14. januar 2022 vart det kunngjort at Princ var ein av 36 deltakarar uttekne til Pesma za Evroviziju ’22.[10][11] Den 19. januar 2022 trekte han seg likevel frå tevlinga på grunn av usemje med låtskrivar Leontina om songen «Ljubi svog čoveka». Songen vart i staden framført av Tijana Dapčević, som hadde representert Makedonia i Eurovision Song Contest 2014, i ein endra versjon kalla «Ljubi, ljubi doveka».[12][13]

Året etter, i 2023, vart det kunngjort at Princ skulle delta i Pesma za Evroviziju ’23 med songen «Cvet sa istoka», skriven av Dušan Bačić og arrangert av Dejan Nikolić.[14][15] Dei offentlege røysteresultata synte at Princ vann publikumsrøystinga både i den første semifinalen og i finalen, men enda til slutt på andreplass etter juryens poeng, rett bak Luke Black.[16]

2025–no: Eurovision Song Contest og «Mila»

[endre | endre wikiteksten]
Princ framfører «Mila» på scena i Eurovision Song Contest 2025.

I desember 2024 vart det kunngjort at Princ skulle delta i Pesma za Evroviziju ’25 med songen «Mila».[17] Etter å ha kvalifisert seg frå den andre semifinalen, vann han tevlinga 28. februar 2025.[18] Den 2. mai gav Princ ut debutalbumet sitt, Mila, som inkluderte tittellåten.[19][20] I Eurovision Song Contest i Sveits deltok han i den andre semifinalen 15. mai, men kvalifiserte seg ikkje til finalen. Dette var første gong sidan 2017 at Serbia ikkje nådde finalen, og den fjerde gongen totalt.[21] Seinare vart det kjent at han kom på 14. plass av 16 deltakarar i den andre semifinalen, noko som gjorde han til den lågaste plasserte serbiske deltakaren nokon gong.[22]

Merknadar

[endre | endre wikiteksten]
  1. ↑ serbisk kyrillisk: Стефан Здравковић
  2. ↑ serbisk kyrillisk: Принц од Врање, bokstaveleg talt ‘Prinsen av Vranje’

Kjelder

[endre | endre wikiteksten]
  1. 1 2 3 4 5 «Stefan Zdravković iz Vranja pobednik muzičkog festivala na Malti | PČINJSKI 017 - PORTAL» (på serbisk). Henta 2023-01-10.
  2. 1 2 «Upoznajte Stefana Zdravkovića mladog muzičara i profesora norveškog jezika». Sve u svemu (på serbisk). 2021-02-23. Arkivert frå originalen 10 January 2023. Henta 2023-01-10.
  3. 1 2 3 4 «Стефан Здравковић». Arkivert frå originalen 10 January 2023. Henta 10 January 2023.
  4. 1 2 3 Dimić, Andrea (2022-01-07). «BOŽIĆNI INTERVJU: Za Stefana Zdravkovića muzika je život». VOM (på serbisk). Henta 2023-01-10.
  5. ↑ Hvitmyhr, Bastian Lunde (2025-05-15). «Eurovision: «Norske» bidrag kjemper i andre semifinale». VG (på norsk). Henta 2025-11-05. «Irland stiller med kun nordmenn på scenen – og Serbia har en norsklærer som sitt Eurovision-håp.»
  6. 1 2 Đurđević, Milan. «STEFAN ZDRAVKOVIC :: DOM KULTURE "STUDENTSKI GRAD"». STEFAN ZDRAVKOVIC :: DOM KULTURE „STUDENTSKI GRAD” (på serbisk). Henta 2023-01-10.
  7. ↑ «"У центру пажње" Стефан Здравковић». VRANJSKA PLUS TELEVIZIJA (på serbisk). 2020-08-31. Henta 2023-01-10.
  8. ↑ «Vranjanac Stefan Zdravković nakon uspeha na takmičenju u Bugarskoj, sebe vidi i na Evroviziji». Južne vesti (på serbisk). January 9, 2022. Henta 2023-01-10.
  9. ↑ Pešić, M. «Stefan je prvi Srbin koji je pobedio na dva bugarska takmičenja, a sada je u polufinalu trećeg! Ko je Princ od Vranje čiji glas osvaja svet?». INFORMER (på serbisk). Henta 2023-01-10.
  10. ↑ «Rekordan broj kompozicija u izboru za Pesmu Evrovizije – Srbija bira u martu» [A record number of compositions in the selection for the Eurovision Song Contest - Serbia chooses in March]. rts.rs (på serbisk). RTS. 2022-01-14. Henta 2022-01-14.
  11. ↑ @SerbiaESC. «Release date for all songs - February 8» (Tweet) – via Twitter.
  12. ↑ Stevan (20 January 2022). Instagram story korisnika @princ_od_vranje (på serbisk (latinsk alfabet)). Henta 20 January 2022 – via YouTube. «Što se tiče Beovizije, videćemo se ili sledeće ili neke druge godine.» [As for Beovizija, I'll be seeing you next year or some other year.]
  13. ↑ «Tijana Dapčević učestvuje na "Pesmi za Evroviziju 22"» [Tijana Dapčević participates in "Pesma za Evroviziju 22"]. rts.rs (på serbisk). RTS. 2022-01-21. Henta 2022-01-21.
  14. ↑ «Pesma za Evroviziju 23: Stefan Zdravković - "Cvet sa Istoka"». Eurovisionworld (på britisk engelsk). Henta 2023-01-10.
  15. ↑ «Vranjanac Stefan Zdravković u konkurenciji za predstavnika Srbije na "Evroviziji"». Južne vesti (på serbisk). January 2023. Henta 2023-01-10.
  16. ↑ Serbia, RTS, Radio televizija Srbije, Radio Television of. «Детаљни гласови публике и жирија на фестивалу "Песма за Евровизију 2023"». www.rts.rs. Henta 2023-03-05.{{cite web}}: CS1 maint: multiple names: authors list (link)
  17. ↑ «Почиње борба за Базел – одабрано 30 учесника "Песме за Евровизију 2025"». RTS (på serbisk). 10 December 2023. Henta 27 January 2025.
  18. ↑ Ljuština, Stevan (2025-02-28). «Srbija 2025 | Princ je 18. predstavnik Srbije». ESC Serbia | Evrovizija.rs (på amerikansk engelsk). Henta 2025-03-01.
  19. ↑ «Serbia: Princ Releases Debut Album "Mila"». Eurovoix. 6 May 2025.
  20. ↑ Tudor, Ruxandra (18 May 2025). «New music this week (part 2): Songs from Gabry Ponte, Theo Evan, Princ and more». Wiwibloggs.
  21. ↑ «Eurovision 2025: The Second Semi-Final Qualifiers». Eurovision.TV. European Broadcasting Union. 2025-05-15. Henta 2025-05-15.
  22. ↑ «Kako je glasala Srbija i ko je sve glasao za Srbiju na Pesmi Evrovizije 2025». Evrovizija.rs (på serbisk (latinsk alfabet)). 18 May 2025. Henta 27 May 2025.
Henta frå «https://nn.wikipedia.org/w/index.php?title=Princ_od_Vranje&oldid=3634006»